25.02.2026 | 23:29
Ինչպես են ադրբեջանցի գործարարները ՌԴ-ին օգնում շրջանցել պատժամիջոցները. FT-ի հետաքննությունը
«Սասնա ծռերի» անդամ Արմեն Բիլյանը 9-րդ օրն է շարունակում է հացադուլը. պահանջում է իրեն պատշաճ բուժզննության ենթարկել
Հասարակություն
27.12.2017 | 12:24
«Սասնա ծռեր» խմբի անդամ Արմեն Բիլյանը հացադուլը չի դադարեցրել: Արդեն 9-րդ օրն է, ինչ Բիլյանը պահանջում է իրեն պատշաճ բուժզննության ենթարկել: Factor.am-ին Բիլյանի պաշտպան Արմինե Ֆանյանն ասաց, որ վերջին տեսակցության ժամանակ Բիլյանը թույլ է եղել:
Փաստաբանը տեղեկացրեց, որ այսօր «Սասնա ծռերի» գործով նիստին կհանդիպի իր պաշտպանյալին և հետագա անելիքները կքննարկեն:
Նշենք, որ Արմեն Բիլյանն ունի առողջական խնդիրներ կապված նյարդերի հետ: Փաստաբանի պնդմամբ իր պաշտպանյալին անհրաժեշտ հետազոտություն, սակայն նրան բուժօգնություն չի տրամադրվում, նա էլ դիմել է հացադուլի միջոցով պայքարի:
Հիշեցնենք, որ Արմեն Բիլյանը մեղադրվում է ՊՊԾ գնդի տարածքում ոստիկանության ավագ ենթասպա Գագիկ Մկրտչյանի սպանության մեջ, նրան մեղադրանք է առաջադրվել նաև Քրեական օրենսգրքի 238-րդ հոդվածի 4-րդ մասի 2-րդ կետով (զենք զինամթերք շորթելը, որը կատարվել է կազմակերպված խմբի կողմից, կյանքի կամ առողջության համար վտանգավոր բռնություն գործադրելով կամ դա գործադրելու սպառնալիքով) և 104 հոդվածի 2-րդ մասի 1-ին, 2-րդ, 3-րդ և 11-րդ կետերով:
Լիլիթ Շաբոյան
