12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Սաստիկ մարտեր են եղել Շուշիի պարիսպների տակ և Բերձորում, այս պահին մարտերը ընթանում են․ Արծրուն Հովհաննիսյան․ ՏԵՍԱՆՅՈՒԹ
08.11.2020 | 22:23
Իրավիճակը ռազմաճակատում շարունակում է մնալ լարված, երեկ ողջ գիշեր և այսօր՝ ամբողջ օրվա ընթացքում, տարբեր ուղղություններով մարտերը շարունակվել են, դրանք եղել են բավականին ինտենսիվ: Այս մասին մամուլի ասուլիսում ասաց ՊՆ ներկայացուցիչ Արծրուն Հովհաննիսյանը:
«Հյուսիսում հակառակորդի փոքր խմբերը հրետանու աջակցությամբ փորձփել են հարձակվել, սակայn, կորուստներ կրելով՝ հետ են շպրտվել: Մարտունու ուղղությամբ վաղ առավոտյան մեր զորքերին հաջողվել է թշնամուն կանգնեցնել, հետ շպրտել ելման բնագծեր՝ կրել են զգալի կորուստներ:
Շուշիում՝ պարիսպների տակ, ճանապարհներին, մարտերը եղել են բավականին սաստիկ: Այս պահին էլ մարտեր ընթանում են, չնայած ինտենսիվությունը թուլացած է», – ասաց մամուլի ասուլիսում ասաց ՊՆ ներկայացուցիչ Արծրուն Հովհաննիսյանը:
Նրա խոսքով՝ այսօր սաստիկ մարտեր են եղել նաև Բերձորի ուղղությամբ: «Թշնամու ուժերը մի քանի անգամ փորձել են ճեղքել և դուրս գալ դեպի Բերձոր՝ հավանաբար այդպիսով օգնության հասնելու Շուշիում կռվող իրենց ստորաբաժանումներին, սակայն, զգալի կորուստներ կրելով, հետ են շպրտվել:
Այս պահին էլ մարտերն ընթանում են: Ընդհանուր իրավիճակը կարելի է համարել բավականին դրական: Մեր զորքերին հաջողվում է թշնամու ուժերին որևէ ուղղությամբ թույլ չտալ զարգացնել հաջողությունը», – նշեց Հովհաննիսյանը:
Նա նաև հավելեց, որ արդեն 3-4-րդ օրն է՝ գիշերային ժամերին Շուշիի համար ճակատամարտը շարունակվում է:
Մանրամասները՝ տեսանյութում:
