Վարակիչ ժպիտներ՝ առաջնագծից. երգ ու ասմունքից մինչև անակնկալներ. ՏԵՍԱՆՅՈՒԹ

Այն, որ առաջնագծում մեր զինվորները փայլում են իրենց արիությամբ, համոզվում ենք ամեն պահ, իսկ որ սահմանից նրանք բարձրացնում են մեր՝ թիկունքում գտնվողներիս տրամադրությունը, դա արդեն պատկերացումից վեր է, բայց արի ու տես, որ իրականություն է: Այդ մասին են վկայում նրանցից մեզ հասնող տեսանյութերը:

Factor.am-ը հավաքել է դրանցից մի քանիսը: Մեր զինվորները ոչ միայն հասցնում են ընթերցել նամակները, այլև իրենք են անակնկալներ մատուցում հարազատներին: Գեղեցիկ անակնկալ էր, օրինակ, զինծառայողների պատասխանը աղջիկների ուղարկած «Սնիկերսների» ֆլեշմոբին: Նրանք մի քանի տասնյակ փամփուշտներից կազմել էին Հայաստանում ամենաշատ տարածում ունեցող աղջիկների անունները` շնորհակալություն հայտնելով կոնֆետների ու սրտանց խոսքերի համար:

Օնլայն տիրույթում աբսուրդի հասնող քայլերով չի դադարում զարմացնել ադրբեջանական կողմը: Օրերս Հիդրոօդերևութաբանության և մոնիտթրինգի կենտրոնի տնօրենի տեղակալ Գագիկ Սուրենյանը հայտարարեց. «Սիրիական անապատների տաք կլիմային սովոր ահաբեկիչներին տեսնես տեղյա՞կ են, որ նոյեմբերից հայոց լեռներում ձյուն է տեղում և ջերմաստիճանը կտրուկ նվազում է: Վստահ եմ, առաջին ցրտերի հետ նրանք բոլորը դառնալու են ոչ մարտունակ և կոտորվելու են»։

Դրան հետևեց Haqqin.az ադրբեջանական կայքում զավեշտալի մի հրապարակում՝ հետևյալ վերնագրով. «Գագիկ Սուրենյանը սպառնում է ադրբեջանցիներին ձյունով»: Իհարկե, ինչպես սպասելի էր, Սուրենյանի արձագանքը չուշացավ. «Այ ադպես վախեցած էլ ապրեք, մինչև որ այս ամենը կավարտվի, և դուք ոչխարների հետ միասին կքոչեք Ասիայի այն լեռները, որտեղից որ ընդամենը 100 տարի առաջ բազմացել եք»,- գրեց նա:

Մանրամասները՝ տեսանյութում:

Աննա Բաբաջանյան