15.12.2025 | 09:31
Երևանի քաղաքապետարանի գործակարգավարական նիստը. ՈՒՂԻՂ
Բաղրամյան պողոտայում բախվել է 3 մեքենա. կա 4 զոհ
Հասարակություն
06.11.2020 | 09:23
ՀՀ ԱԻՆ-ից տեղեկացնում են, որ նոյեմբերի 5-ին, ժամը 20։53-ին Ճգնաժամային կառավարման ազգային կենտրոն ահազանգ է ստացվել, որ Երևան քաղաքի Բաղրամյան պողոտայում տեղի է ունեցել ՃՏՊ՝ հրդեհի բռնկումով։
Դեպքի վայր է մեկնել ԱԻՆ ՓԾ փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի փրկարարական խումբը, Երևան քաղաքի փրկարարական վարչության հրշեջ-փրկարարական ջոկատից երկու մարտական հաշվարկ և Հոգեբանական աջակցության բաժնի հերթապահ հոգեբանը։
Պարզվել է, որ բախվել են «Opel Corsa», «Suzuki SX4» և «Mercedes E124» մակնիշների ավտոմեքենաները։
Փրկարարները տուժածներից մեկին մոտեցրել են շտապօգնության ավտոմեքենային․ կա չորս զոհ։
Տուժածներ Անժելա Է.-ն (ծնված 1986 թ․) և Արմինե Ա․-ն (ծնված 1971 թ․) հոսպիտալացվել են «Սլավմեդ» ԲԿ, որտեղ ստանալով անհրաժեշտ բուժօգնություն դուրս են գրվել, իսկ Միշա Գ․-ն (ծնված 2012 թ․) տեղափոխվել է «Սուրբ Աստվածամայր» ԲԿ, որտեղ բժիշկները տուժածի առողջական վիճակը գնահատել են ծանր։
Փրկարարները հոսանքազրկել են ավտոմեքենաները և սահմանազատել տարածքը։
