Ճանապարհային ոստիկանությունը տեղեկացնում է, որ դեկտեմբերի 26-ից Երևան քաղաքի Իսահակյան և Թամանյան փողոցների խաչմերուկում կկատարվի երթևեկության կազմակերպման ժամանակավոր փոփոխություն:
«Նշված խաչմերուկում տեղադրված՝ «Մուտքն արգելվում է», «Աջ շրջադարձն արգելվում է», «Ձախ շրջադարձն արգելվում է», «Կանգառն արգելվում է» ճանապարհային նշանները և «Գործողության ժամանակ (11.00−24.00)» ցուցանակները ձմեռային ժամանակաշրջանում ժամանակավորապես (մինչև 2018թ. գարուն) կփակվեն ծածկոցներով և կդադարեցվեն դրանց ազդեցությունը», – ասված է հաղորդագրությունում:
