15.11.2024 | 13:41
Հոկտեմբերին 213 հարկ վճարողի մոտ արձանագրվել է ՀԴՄ կիրառման կանոնների խախտում. տուգանքի չափը կազմել է շուրջ 97.96 մլն դրամ
Եվրամիությունն ունի կոնկրետ թիրախավորած համայնքներ. փոխնախարարը՝ ԵՄ-ի կողմից տրամադրվող ֆինանսական աջակցության մասին
Տնտեսություն
26.12.2017 | 15:00
«Եվրոպական միությունն աջակցությունը տրամադրում է 3-4 փուլերով, այնուհետև յուրաքանչյուր տարվա համար ձևավորվում են տարեկան աջակցության պլանները: Մենք խոսում ենք 2017-20 թվականների ընդհանուր փաթեթի մասին և ընդհանուր առմամբ աջակցության փաթեթը լինելու է 145-175 եվրոյի սահմաններում»,- Factor.am-ի հետ զրույցում ասաց Տնտեսական զարգացման և ներդրումների նախարարի տեղակալ Գարեգին Մելքոնյանը:
Տրամադրվող գումարներն ուղղվելու են հիմնականում չորս ոլորտների, որոնք վերաբերում են տնտեսական ոլորտային համագործակցությանը, վերաբերում են մարդկանց միջև կապերին, տրանսպորտի և այլ ոլորտներում հնարավոր համագործակցությանը, ինչպես նաև մարդու իրավունքների պաշտպանությանը և օրենքի գերակայությանը:
«2017 թվականի ֆինանսական տարվանից սնվող փաթեթի շուրջ մենք արդեն սկսել ենք նախնական քննարկումները Եվրամիության հետ, և հաջորդ տարվա կեսերին մենք կոնկրետ ուղղություններով կունենանք ձևավորված աջակցության ծրագրեր»,- շարունակեց փոխնախարարը՝ նկատելով, որ նախկինում ձևավորված աջակցության ծրագրերը ևս ակտիվորեն իրականացվում են:
Ըստ փոխնախարարի՝ Եվրամիությունը ունի նաև կոնկրետ թիրախավորված համայնքներ, որոնց զարգացման համար ևս առաջիկայում քայլեր կձեռնարկվեն:
Մանրամասները՝ տեսանյութում:
