Քաղաքականություն
26.12.2017 | 12:34
Ավագանու այսօրվա նիստում որոշվեց` բնակարաններ կնվիրաբերվեն մշակութային չորս գործիչների, երկու ազատամարտիկների: Մշակութային գործիչների թվում էր երգչուհի Ռաիսա Մկրտչյանը: «Ելք» խմբակցության ավագանու անդամները պահանջեցին, որ այսուհետ որևէ մեկին բնակարան նվիրաբերելիս ներկայացվեն փաստաթղթեր` արդյոք մինչ այդ հիշյալ անձը, վերջին չորս-հինգ տարիներին, անշարժ գույքի հետ կապված գործարք կատարե՞լ է, թե՞ ոչ:
«Մենք պահանջում ենք անհրաժեշտ փաստաթղթերը լինեն, որպեսզի այնպես չստացվի անձը ունենա բնակարան, վաճառի այն, հետո դիմի քաղաքապետարան, ու մենք նրան բնակարան նվիրաբերենք»,- ասաց «Ելք» խմբակցության ավագանու անդամ Արայիկ Հարությունյանը:
Բնակարաններ տրամադրելու որոշումներին դեմ էին «Երկիր Ծիրանի» խմբակցության անդամները: Նրանք նշում էին, որ մշակութային գործիչները չպետք է բնակարան ողորման, այլ դրանք պետք է տրվեն կարիքավոր ընտանիքների:
Նշենք, որ նիստը դեռևս շարունակվում է, օրակարգում ընդգրկված է 30 հարց:
