11.09.2026 | 18:01
Վուչիչը հայտարարել է, որ սեպտեմբերի 25-26-ին հրաժարական կտա Սերբիայի նախագահի պաշտոնից
Դիմակ չկրելն այս պահին բժիշկ ու ռեսուրս է խլում վիրավոր զինվորից․ Արմեն Մուրադյանը՝ COVID-ի ցուցանիշների մասին
04.11.2020 | 20:48
Մենք հաղթելու ենք ինքնակազմակերպվածությամբ, հաղթելու ենք պետական ինստիտուտների կազմակերպվածությամբ, առողջապահական, «սպիտակ բանակի» կազմակերպվածությամբ։ Factor TV-ի հետ զրույցում խոսելով COVID-ի համաճարակի դեմ պայքարի մասին՝ այս մասին ասաց ԵՊԲՀ ռեկտոր, պրոֆեսոր Արմեն Մուրադյանը։
Նրա խոսքով՝ չպետք է ամաչել՝ ասել, որ խնդիրներ ունենք․ եթե խնդիրը կա, պետք է միանգամից այդ մասին բարձրաձայնել, հակառակ դեպքում՝ ամբողջ շղթան կտուժի։
«Այսօր COVID-ի հետ կապված խնդիր կա՝ կապված թեժ գծի, շտապօգնության զանգերի հետ։ Խնդիրը պետք է մատնացույց արվի, հզորությունները պետք է շատացվեն։ Շտապօգնության մեքենան չի հերիքում՝ գնենք, նոր մեքենաներ պատվիրենք, չի հերիքում՝ կազմակերպենք այլ տեսակի տրանսպորտային միջոցներով, բայց ժողովուրդը պետք է բուժօգնության հասանելիության մակարդակ ունենա, որովհետև թիկունքում այս խնդիրը կարող է շատ լուրջ ճակատ ձևավորել»,- ասաց Արմեն Մուրադյանը։
Նա բնակչությանը կոչ արեց պահպանել հակահամաճարակային կանոնները՝ դիմակ կրել, պահպանել սոցիալական հեռավորություն։ Պրոֆեսորի խոսքով՝ դիմակ չկրելն այս պահին բժիշկ ու ռեսուրս է խլում վիրավոր զինվորից։
«Հեգնանքով խոսելը դիմակի մասին դավաճանությանն եմ հավասարեցնում այս պահին։ Այս պահին մի դիմակը ռեսուրս է խլելու մեր զինվորից, դա բժիշկ է խլելու, որ ես զբաղվեմ COVID-ով հիվանդով, դա մահճակալ է խլելու, որ զինվոր չպառկացնեմ, խեղդվող հիվանդով զբաղվեմ, դա շտապօգնության մեքենա է զբաղեցնելու»,- հավելեց Մուրադյանը։
Մանրամասները՝ տեսանյութում։
