08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
ԶԼՄ-ներին ուղղված սահմանափակումները պետք է պատշաճ լինեն. ՄԻՊ. ՏԵՍԱՆՅՈՒԹ
Հասարակություն
04.11.2020 | 18:27
Խոսքի ազատության սահմանափակումները ռազմական դրության ժամանակ պետք է լինեն համաչափ։ Այս մասին այսօր ԱԺ-ում լրագրողների հետ զրույցում ասաց ՀՀ ՄԻՊ Արման Թաթոյանը՝ անդրադառնալով մամուլի ազատության նկատմամբ սահմանափակումների հարցով Սահմանադրական դատարան դիմում ներկայացնելուն։
«Մեր Սահմանադրությունն էլ է նախատեսում, որ պետությունը ռազմական դրության ժամանակ իրավունք ունի կոնկրետ իրավունքներ սահմանափակել։ Բայց այդ իրավունքները պետք է լինեն կոնկրետ իրավիճակին համահունչ, անհրաժեշտ ու բավարարի այդ իրավաչափ նպատակներին հասնելու համար։ Դրանից բացի, ռազմական դրության ժամանակ, հասկանալի պատճառներով, լինում են նաև խոսքի ազատության հետ կապված սահմանափակումներ, որպեսզի պետությունը կարողանա ճիշտ կառավարել տեղեկատվական անվտանգությանն առնչվող հարցերը։ Պետությունը դա կարող է անել իր քաղաքացիների իրավունքներն ավելի արդյունավետ պաշտպանելու համար։ Դրա հետ մեկտեղ այդ սահմանափակումները պետք է լինեն համաչափ:
Չեն կարող լինել սահմանափակումներ, որոնք անորոշ են, քանի որ դա տարակարծություն է առաջացնում: Առավել ևս երբ այստեղ խոսքը գնում է լրատվական գործունեություն իրականացնող կազմակերպությունների, անհատ լրագրողների և բոլոր քաղաքացիների մասին։ Հետևաբար, այդ կարգավորումները պետք է լինեն բարձր աստիճանի կոնկրետության և այնպիսին, որ թե լրագրողի համար, թե լրատվական կազմակերպության համար, թե քաղաքացու համար հստակ պարզ լինի, թե կոնկրետ ինչ սահմանափակումներ են առկա կոնկրետության աստիճանով, և թե որ արարքն ինչ պատասխանատվության կարող է հանգեցնել»,- նշեց ՄԻՊ-ը:
Մանրամասները՝ տեսանյութում:
