18.08.2026 | 23:01
Չեմ հիշում իմ աշխատանքային պարտականություններում օրենքով ինչ էր նախատեսված. Չախոյան. ՏԵՍԱՆՅՈՒԹ
Արցախից Երևան տեղափոխված զենքի խնդրով 9 քրեական գործ կա հարուցված. ՔԿ նախագահի տեղակալ. ՏԵՍԱՆՅՈՒԹ
Հասարակություն
04.11.2020 | 13:16
Արցախից ապօրինաբար Երևան տեղափոխված զենքի խնդրով 9 քրեական գործ կա հարուցված: Կիրառվել են խափանման տարբեր միջոցներ: Այս մասին նոյեմբերի 4-ին Ազգային ժողովում լրագրողների հետ զրույցում ասաց Քննչական կոմիտեի նախագահի տեղակալ Արթուր Մելիքյանը: Նրա խոսքով՝ հիմնականում այդ խնդիրը կապված է պահեստազորայինների հետ:
«Որևէ լուրջ պատճառաբանություն չկա, թե ինչու են զնեք տեղափոխել: Ինչո՞ւ պետք է բերել նռնակը, ինքնաձիգը, ինքնաձիգի փամփուշտը. Ոչ մի լուրջ փաստարկ չեն բերում»,- նշեց Մելիքյանը՝ հավելելով, որ եթե դա միայն փախուստ լինի, կարող էին զենքը հանձնել ծառայակցին, հրամանատարին, ռազմական ոստիկանության ցանկացած կետի:
«Կա վարկած, որ հնարավոր է որևէ հանցավոր հեղինակություն պատվիրած լիներ զենք կամ փամփուշտ բերել, դրա համար աշխատում ենք նաև ԱԱԾ-ի հետ, բայց չունենք որևէ ավարտված գործ, որ միանշանակ պնդեմ, թե ինչ նպատակով է բերվել»,- նշեց ՔԿ նախագահի տեղակալը հավելելով, որ Արցախից Երևան է տեղափոխվել և՛ ռազմամթերք, և՛ հրազենային միջոցներ:
Մանրամասները՝ տեսանյութում:
