08.10.2026 | 21:56
Բաքուն արձագանքել է Ադրբեջանում քաղբանտարկյալների և հայ գերիների վերաբերյալ Եվրախորհրդարանի բանաձևին
46 զոհ և 144 վիրավոր քաղաքացիական անձանց շրջանում․ Արցախի ՄԻՊ-ը տվյալներ է հայտնում. ՏԵՍԱՆՅՈՒԹ
Հասարակություն
04.11.2020 | 13:01
Մեր փաստահավաք առաքելության շրջանակում արձանագրել ենք առնվազն 46 զոհված քաղաքացիական անձ և առնվազն 144 վիրավոր: Այս մասին այսօր մամուլի ասուլիսում ասաց Արցախի Հանրապետության ՄԻՊ Արտակ Բեգլարյանը:
«Մի շարք այլ դեպքերի մասով ևս տեղեկություններ ունենք, բայց քանի որ այդ տեղանքում մարտական գործողություններ են ընթանում, դեռևս չենք կարողացել պարզել բոլոր հանգամանքները: Ուստի այդ դեպքերը դեռ արձանագրված և հաշվարկված չեն», – ասաց Բեգլարյանը:
Արցախի ՄԻՊ-ը նաև հավելեց, որ իրենց հաշվարկներով՝ քաղաքացիական օբյեկտների շրջանում ավելի քան 13800 անշարժ մասնավոր գույք է վնասվել՝ բնակարաններ, տներ, ինչպես նաև ավելի քան 3100 ենթակառւցվածք, հանրային և արտադրական նշանակության օբյեկտներ:
«Վնասվել են էլեկտրամատակարարման կայաններ, կապի և հաղորդակցության, ջրամատակարարման և գազամատակարարման կառույցներ, դպրոցներ, մանկապարտեզներ, հիվանդանոցներ, եկեղեցին:
Նոյեմբերի 2-ի տվյալներով՝ Արցախում վնասվել է 61 դպրոց և 10 մանկապարտեզ: Սա դպրոցների ընդհանուր քանակի 27-28 տոկոսն է կազմում: Հակառակորդի գործողությունների հետևանքով վնասվել է նաև 2100 մեքենա»,- նշեց ԱՀ ՄԻՊ-ը:
