08.10.2026 | 21:56
Բաքուն արձագանքել է Ադրբեջանում քաղբանտարկյալների և հայ գերիների վերաբերյալ Եվրախորհրդարանի բանաձևին
Քայլեր, որոնք ապահով կդարձնեն անձնական տվյալները. ՏԵՍԱՆՅՈՒԹ
Հասարակություն
04.11.2020 | 11:16
Մարդու անձնական տվյալների օգտագործումը կարող է երկու արտահայտություն ունենալ. մի դեպքում միջամտում են մարդու անձնական կյանքին՝ հետևում են նրան, երկրորդ դեպքում՝ մարդու անձնական տվյալները ձեռք բերելով՝ դրանք օգտագործում են ոչ թե այդ մարդուն վնասելու համար, այլ ոչ իրավաչափ միջամտություններ են փորձում իրականացնել՝ օրինակ՝ վարկ ստանալ, ապատեղեկատվություն տարածել և այլն: Այս մասին «Պատերազմական իրավիճակում անձնական տվյալների պաշտպանության ռիսկերը» թեմայով ասուլիսում նշեց ՀՀ արդարադատության նախարարության Անձնական տվյալների պաշտպանության գործակալության պետ Գևորգ Հայրապետյանը:
«Պատերազմական իրավիճակում ոլորտը լրացուցիչ առանձնահատկություն է ձեռք բերում: Անձնական տվյալներն օգտագործվում են որպես միջոց վնասակար միջամտություն իրականացնելու և խուճապ առաջացնելու համար: Ադրբեջանցի հակերները մարդկանց անձնական տվյալները ձեռք բերելուց հետո տարածում են ապատեղեկատվություն և խուճապ. կեղծիքը ներկայացնում են որպես իրականություն և դրա համար օգտագործում են նաև իրական տվյալներ: Պետք է բծախնդիր լինել և առավելագույնս պաշտպանել անձնական տվյալները»,- նշեց Հայրապետյանը՝ թվարկելով քայլեր, որոնք ապահով կդարձնեն անձնական տվյալները:
Մանրամասները՝ տեսանյութում:
