28.08.2026 | 15:55
Ալեքսեյ Արեստովիչը Ռուսաստանում հեռակա կարգով դատապարտվել է 11 տարվա ազատազրկման
Ֆրանսիական Նիսում ահաբեկչության գործով ևս 4 ձերբակալված կա
Քաղաքականություն
03.11.2020 | 15:57
Ֆրանսիայի իրավապահ մարմինները Նիսի Աստվածամոր տաճարում հարձակման գործի հետաքննության շրջանակում ձերբակալել են ևս 4 մարդու։ Այս մասին այսօր հայտնել է France-Press-ը՝ վկայակոչելով դատական մարմիններում սեփական աղբյուրներին, փոխանցում է ՏԱՍՍ-ը։
Համաձայն տեղեկությունների՝ ձերբակալվածներից 29-ամյա տղամարդը մեղադրվում է հանցագործությունը կատարողի հետ կապեր ունենալու մեջ։ Մյուս երեքը ձերբակալվել են վերջինի բնակարանում։
Հիշեցնենք՝ հոկտեմբերի 29-ին ծնունդով Թունիսից 21-ամյա երիտասարդը դանակով հարձակվել էր Նիսի Աստվածամոր տաճարի այցելուների վրա։ Հարձակման արդյունքում սպանվել է 3 մարդ։ Հարձակվողը ձերբակալվել է։ Գործի հետաքննությամբ զբաղվում է Ֆրանսիայի Ազգային հակաահաբեկչական դատախազությունը։
Հետաքննության շրջանակում ոստիկաններն անցած շաբաթ ձերբակալել էին ևս 6 մարդու, սակայն մի քանի օր անց նրանցից 3-ն ազատ են արձակվել։
Տաթև Ֆռանգյան
