15.11.2024 | 12:25
Կառավարության անդամների ճեպազրույցները. ՈՒՂԻՂ
Հենրիխ Մխիթարյանը խառնում է Մոուրինյուի խաղաքարտերը՝ կատարելով անակնկալ ընտրություն. armsport.am
25.12.2017 | 15:31
Հայաստանի հավաքականի և «Մանչեսթեր Յունայթեդի» կիսապաշտպան Հենրիխ Մխիթարյանը ընտրություն է կատարել ապագա ակումբի հարցում: Այս մասին հայտնում է գերմանացի ֆուտբոլային փորձագետ Լի Պրայսը. տեղեկացնում է armsport.am-ը:
Պրայսը դեռևս ամռան սկզբին էր հայտարարել, որ «Շալկե 04»-ի ֆուտբոլիստ Կոլաշինաչը կտեղափոխվի «Արսենալ», իսկ «Լեյպցիգի» կիսապաշտպան Նաբի Կեյտայի հաջորդ ակումբը կլինի «Լիվերպուլը»: Փորձագետը խոսել է Մխիթարյանի ապագայի մասին.
«Մխիթարյանին ասել են, որ նա պետք է հեռանա «Մանչեսթեր Յունայթեդից»: «Կարմիր սատանաների» կիսապաշտպանի ծառայություններն արդեն առաջարկել են իր նախկին ակումբին՝ «Բորուսիա Դորտմունդին»:
Այժմ պատրաստվում է ֆուտբոլիստի փաստաթղթերը, որպեսզի կիսապաշտպանը վարձավճարով վերադառնա Դորտմունդ: Ամռանը «Բորուսիան» կկարողանա գնել նրա ամբողջ տրանսֆերը 30 մլն եվրոյով:
Սակայն կա մեկ մեծ խնդիր: Մխիթարյանն ամբողջովին խառնել է Մոուրինյուի խաղաքարտերը՝ ցանկանալով մնալ Անգլիայում: Նրա ծառայություններով հետաքրքրված են «Տոտենհեմը» և «Արսենալը»: Հայ ֆուտբոլիստը լրջորեն մտածում է Լոնդոն տեղափոխվելու մասին: Գերմանիա վերադառնալը նրա ծրագրերի մեջ չի մտնում: Ֆուտբոլիստն ամեն ինչ անելու է Լոնդոնում հայտնվելու համար՝ բացառելով «Բորուսիա» տեղափոխությունը:
ՄՅՈւ-ն հետաքրքրվում է Օզիլի ծառայություններով և Մխիթարյանը կարող է գերմանացու տրանսֆերի մի մասը կազմել: Չնայած դրան, պորտուգալացի մասնագետը ցանկանում է իր կիսապաշտպանին վաճառել ոչ անգլիական ակումբի»,- Լի Պրայսի խոսքերը մեջբերում է հեղինակավոր «Express» պարբերականը:
