12.01.2025 | 11:41
Հրդեհ՝ Հյուսիսային պողոտայի սուպերմարկետներից մեկի պահեստային հատվածում
Զոհվել է «Արցախի հերոս», գնդապետ Սերգեյ Շաքարյանը
Հասարակություն
02.11.2020 | 17:18
Վերջերս Արցախի Հանրապետության նախագահի կողմից «Արցախի հերոս» բարձրագույն կոչմանն արժանացած գնդապետ Սերգեյ Շաքարյանը զոհվել է. այս մասին տեղեկանում ենք ՊԲ-ի հրապարակած ցուցակից:
ՀՀ ՊՆ խոսնակ Շուշան Ստեփանյանն ավելի վաղ տեսանյութ էր հրապարակել` մանրամասներ ներկայացնելով Արցախի նախագահի կողմից «Արցախի հերոս» կոչմանն արժանացած գնդապետի մասին։
«Սերգեյ Շաքարյանի հայրը զոհվել է Արցախյան առաջին պատերազմի ժամանակ։ Այդ ժամանակ 16-ամյա Սերգեյ Շաքարյանը մարտի դաշտում էր։ Նա ուսումը կիսատ էր թողել ու մարտի դաշտ գնացել»,-նշվում էր տեսանյութում։
Շաքարյանը պատմում է, որ երբ առաջին օրը դիրք է գնացել, նրանց բախտ է վիճակվել մարտական արկով կրակել։ Դրանից հետո, ըստ նրա, սիրահարվել է տեխնիկային ու որպես տանկիստ շարունակել պատերազմում իր քայլերը։ Որոշ ժամանակ անց Շաքարյանին և նրա ստորաբաժանման տղաներին բարդ առաջադրանքներ են տրվում, որոնք հաջողությամբ հաղթահարում են։
Տարիներ անց Շաքարյանը կրկին մարտի դաշտում էր, և իր ղեկավարմամբ թեժ մարտեր էին ընթանում։
Հարցին, թե հնարավո՞ր է հակամարտության խնդիրը բանակցությունների միջոցով լուծվի` գնդապետը պատասխանել էր, թե ինքը խոսքով թշնամուն ոչինչ ասել չի կարող, այլ միայն զենքով ու իր ստորաբաժանման գործողություններով։
