28.08.2026 | 16:58
Անհետ կորածների հարազատները համահայկական ասոցիացիա են ստեղծել
Ազգային ժողովն աշխարհազորին վերաբերող հարցով արտահերթ նիստ կանցկացնի
Քաղաքականություն
02.11.2020 | 14:55
Այսօր՝ ժամը 17:00-ին, խորհրդարանում արտահերթ նիստ է հրավիրված։ Վարչապետի աշխատակազմը նոր նախագիծ է ներկայացրել կառավարություն, որով փոփոխություններ են արվելու «Տեղական ինքնակառավարման մասին» ՀՀ օրենքում:
Այդ փոփոխությամբ Երևանի քաղաքապետի տեղակալի՝ հաստիքով նախատեսված թիվը կավելանա ևս մեկով: Այդ մեկ տեղակալը պետք է լինի համայնքի աշխարհազորային պայմանական բրիգադի ղեկավարը։
Համաձայն «Տեղական ինքնակառավարման մասին» ՀՀ օրենքում կատարված փոփոխության՝ քաղաքային բնակավայր ընդգրկող կամ միավորված համայնքի ղեկավարի տեղակալը համայնքի աշխարհազորային պայմանական բրիգադի ղեկավարն (հրամանատարն) է, իսկ գյուղական բնակավայրեր ներառող չմիավորված համայնքի ղեկավարի տեղակալը կամ միավորված համայնքի կազմում ներառված բնակավայրի վարչական ղեկավարը` համայնքի (բնակավայրի) աշխարհազորային պայմանական գումարտակի ղեկավարն է (հրամանատարը):
Վերոգրյալով պայմանավորված՝ նախագծով նախատեսվում է ամբողջությամբ նոր խմբագրությամբ սահմանել «Համայնքի ղեկավարի տեղակալը» հոդվածը՝ հետևյալ բովանդակությամբ. «Համայնքի ղեկավարն ունի տեղակալ (տեղակալներ): Քաղաքային բնակավայր ընդգրկող կամ միավորված համայնքի ղեկավարի տեղակալը համայնքի աշխարհազորային պայմանական բրիգադի ղեկավարն (հրամանատարն) է, իսկ գյուղական բնակավայրեր ներառող չմիավորված համայնքի ղեկավարի տեղակալը կամ միավորված համայնքի կազմում ներառված բնակավայրի վարչական ղեկավարը` համայնքի (բնակավայրի) աշխարհազորային պայմանական գումարտակի ղեկավարը (հրամանատարը):
Մերի Մարտիրոսյան
