11.10.2026 | 21:39
Երևան-Սևան ճանապարհին մեքենան գլորվել է 20 մետր խորությամբ ձորը
Թուրքիայում երկրաշարժի զոհերի թիվը հասել է 64-ի
Քաղաքականություն
01.11.2020 | 22:38
Թուրքիայի արևմտյան Իզմիր նահանգում երկրաշարժի զոհերի թիվը հասել է 64-ի։ Այս մասին հայտնել է Թուրքիայի Արտակարգ իրավիճակների վարչությունը, գրում է ՏԱՍՍ-ը։
«Երկրաշարժի հետևանքով 64 մարդ է մահացել, 940 վիրավոր կա»,- ասել են գերատեսչությունից։
Ավելի վաղ հաղորդվել էր 62 զոհի մասին։
Թուրքիայի իշխանություններն այսօր սկսել են նյութական օգնություն տրամադրել երկրաշարժի հետևանքով տուժած Իզմիրի բնակիչներին, հայտնել է Թուրքիայի բնապահպանության և քաղաքաշինության նախարար Մուրատ Քուրումը։
«Վճարումները կարվեն աղետից տուժած ընտանիքների կրած վնասին համապատասխան։ Բնակարանների տերերին կվճարվի 13 հազար լիրա (1.560 դոլար), իսկ վարձով բնակվողներին՝ 5 հազար լիրա (600 դոլար)»,- ասել է նախարարը։
