18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Մի փունջ ժպիտ՝ պատերազմի օրերին. հայ զինվորների սուր հումորից մինչև ադրբեջանցիների չստացված «քոմենթներ». ՏԵՍԱՆՅՈՒԹ
Հասարակություն
31.10.2020 | 17:00
Պատերազմի օրերին լացն ու ծիծաղն ապրում են կողք կողքի: Առնչվելով ամենադաժան իրականությանը՝ իրենց կենսախնդությունը չեն կորցնում նախ և առաջ սահմանի մեր զինվորները: Ավելի քան մեկ ամիս թիկունքում մեզ ամուր պահողը նաև նրանց բարձր տրամադրությունն է: Իսկ զինվորի ծիծաղը վարակիչ հատկություն ունի:
Factor.am-ը հավաքել է զինվորների, կամավորների հումորով լեցուն զրույցներից, երաժշտական կատարումներից և անգամ նմանակումներից պատառիկներ: Այս լարված օրերի տագնապը թոթափում են նաև մեր աղջիկների նամակները՝ ուղղված զինվորներին, որոնց չեն էլ ճանաչում: Տղաներն, ի դեպ, խոստովանում են, որ սննդից և այլ պարագաներից շատ հենց այդ նամակներն են իրենց ուրախացնում:
Քիչ չեն եղել դեպքերը, երբ նամակը ստանալուց հետո զինվորը սկսել է փնտրել հեղինակին, և, պատկերացրեք, գտել է: Դժվարին օրերին մեր բարձր տրամադրության համար հոգում է անգամ հակառակորդը: Միակ դրականը, որ այս օրերին ադրբեջանցիները կարող էին անել հայերիս համար, «Գուգլ-թարգմանիչ»-ով կատարված անհեթեթ, հաճախ զավեշտալի մեկնաբանություններ թողնելն է հայկական տիրույթում:
Factor.am-ը ներկայացնում է դրանցից մի քանիսը:
Մանրամասները՝ տեսանյութում:
Աննա Բաբաջանյան
