18.11.2024 | 15:42
Անընդունելի է․ Կրեմլը՝ ռուս-ուկրաինական պատերազմի սառեցման Էրդողանի ծրագրի մասին
Ինչպես է սանիտարական ավիացիան արտակարգ ռեժիմով վիրավորներ տեղափոխում․ ՏԵՍԱՆՅՈՒԹ
Հասարակություն
30.10.2020 | 18:47
Վայրկյանների տարբերությամբ շտապօգնության մեքենան և ուղղաթիռն անհրաժեշտ վայրում են՝ վայրկյան կորցնել չի կարելի, վիրավոր զինվորի համար ամեն անցնող րոպեն կարող է կյանք արժենալ։ Պետք է արագ ուղևորվել Հայաստանի մյուս մարզ՝ դեռ 45 րոպե թռիչք է սպասվում, Factor TV-ին պատմում է Armenian Helicopters LLC ընկերության կոմերցիոն տնօրեն Արամ Աբովյանը։
Արամն է կազմակերպում բոլոր թռիչքները, տարածքից ճանապարհում ու դիմավորում բոլոր օդաչուներին։ «Բարի գալուստ» ու «բարի թռիչք» ասելը պարտադիր է։
Մի ուղղաթիռի ուղևորվելուց րոպեներ անց երկնքում կրկին ուղղաթիռի ձայն է լսվում․ այս մեկն արդեն վերադառնում է։ Սա այս ուղղաթիռի՝ այսօրվա երկրորդ վերադարձն էր Երևան։
Օդաչուն՝ 29-ամյա Խաչատուր Մարգարյանը, արդեն 10 տարի է՝ օրվա մեծ մասը երկնքում է անցկացնում։ Նախկինում թռիչքին խանգարում էր եղանակը, հիմա եղանակը լավն է, բայց երկինքն արդեն անվտանգ չէ։ Խաչատուրը թիկունքում այսպես է պայքարում, իսկ եղբոր պատերազմն առաջնագծում է։ Ամեն օր չէ, որ կարողանում է խոսել նրա հետ, այդ մասին խոսել մեզ հետ էլ չուզեց։
Առաջին թռիչքը սեպտեմբերի 27-ին ժամը 8։30-ին են ունեցել։ 100-ից ավելի վիրավորներ տեղափոխելուն ներկա գտնվելով՝ Արամի խնդրանքը մեկն է՝ օգնել զինվորներին ու բժիշկներին և դիմակ կրել։
Մանրամասները՝ տեսանյութում։
Իրինա Մկրտչյան
