08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Արցախի գիշերօթիկներից ու խնամքի կենտրոններից իրականացրել ենք շահառուների տեղափոխում․ փոխնախարար. ՏԵՍԱՆՅՈՒԹ
Հասարակություն
30.10.2020 | 12:32
Աշխատանքի և սոցիալական հարցերի նախարարությունը հիմնականում համակարգում է արցախցի մեր հայրենակիցների առջև ծառացած սոցիալական բնույթի խնդիրների գործընթացը, մասնավորապես ժամանակավոր կացարանի ապահովումը, այդ թվում նաև հագուստի և սննդի:Այսօր հրավիրված ասուլիսի ժամանակ ասաց Աշխատանքի և սոցիալական հարցերի փոխնախարար Տաթևիկ Ստեփանյանը:
Նրա խոսքով` գործընթացներն ավելի համակարգված իրականացնելու նպատակով Հայորդաց տանը ստեղծվել է ժամանակավոր կայանման կետ. « Նպատակն այն է, որ արցախցի մեր հայրենակիցները, ովքեր ժամանում են ՀՀ, չունեն հյուրընկալող ընտանիք կամ չունեն բնակման վայր, կարող են մոտենալ կայանման տեղ և այնտեղից կուղղորդվեն իրենց ժամանակավոր կացարանների վայրեր»:
«Նախարարության կողմից ռազմական դրություն հայտարարելուց սկսած գործարկվել է 114 թեժ գիծը 24 ժամյա գրաֆիկով: Նախարարության կողմից իրականացված աշխատանքներից կարևորում եմ այն, որ մեր գործընկեր նախարարության հետ իրականացրել ենք Արցախի գիշերօթիկներից և տարեցների խնամքի կենտորններից շահառուների տեղափոխում և նրանց տեղավորումը համապատասխան հաստատություններում, ինչպես նաև խնամքի կենտրոններում:
Կարևոր է ռազմական դրության պայաններում սոցիալական ծառայությունների ընթացքի ապահովումը: Արցախի այն քաղաքացիները, ովքեր բժշկասոցիալակայն փորձաքննություն պետք է անցնեին ապրիլի 15-ից մինչև դեկտեմբերի 1-ն ընկած ժամանակահատվածում, այդ հատվածը երկարաձգվել է մինչև 2021 թվականի հունվարի 15-ը: Պետք է նշեմ, որ կատարվում են թոշակների և նպաստների վճարում հոկտեմբեր ամսվանից սկսած, այսինքն Արցախի քաղաքացիները իրենց անձը հաստատող փաստաթղթերով կարող են մոտենալ ժամանակավոր իրենց կացարանի փոստային բաժանմունք և կստանան իրենց կենսաթոշակը»,- նշեց Ստեփանյանը:
Մանրամասները՝ տեսանյութում:
