08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
«Քարֆուր»-ում խնդիր կա 10-12.00-ն միայն ծերերին սպասարկելու հարցում. տեսչական մարմնի ներկայացուցիչ. ՏԵՍԱՆՅՈՒԹ
30.10.2020 | 12:22
ՀՀ առողջապահական և աշխատանքի տեսչական մարմնի աշխատակիցներն այսօր անակնկալ ստուգայց են անցկացրել «Քարֆուր»-ում, արձանագրվել են համավարակի կանխարգելման համար անհրաժեշտ կանոնների խախտումներ՝ խնդիրներ են արձանագրվել գրանցամատյանների ճիշտ լրացման, ախտահանիչ նյութերի ճիշտ ընտրության, ախտահանման ժամանակահատվածի պահպանման, ախտահանիչ աշխատանքներ իրականացնողների իրազեկվածության, ինչպես նաև ժամը 10-12-ը միայն տարեցներին ընդունելու և նրանց այցելությունից հետո սրահների ախտահանման հետ կապված: Այս մասին տեղեկացրեց Առողջապահական և աշխատանքի տեսչական մարմնի ներկայացուցիչ Աստղիկ Բալասանյանը:
«Մեր առաքելությունն այսօր հակահամաճարակային կանոնների վերաբերյալ իրազեկում իրականացնելն էր և հորդորելը, որ դրանք հնարավորինս լավ պահպանվեն»,- ասաց Առողջապահական և աշխատանքի տեսչական մարմնի ներկայացուցիչը՝ հավելելով, որ ստուգայցերը շարունակական են լինելու, և եթե հաջորդ ստուգայցի ժամանակ հակահամաճարակային կանոնների վերաբերյալ դիտարկումները հաշվի առնված և թերությունները շտկված չլինեն, պատասխանատվության միջոցառումներ կկիրառվեն:
Մանրամասները՝ տեսանյութում:
