25.02.2026 | 20:22
Չպետք է լիներ բանտում, բայց մահացավ անազատության մեջ․ ՏԵՍԱՆՅՈՒԹ
Կատալոնիայի ընտրությունների արդյունքները Իսպանիայի պարտությունն են. Կառլես Պուչդեմոն
Քաղաքականություն
22.12.2017 | 12:41
Կատալոնիայի նախկին առաջնորդ Կառլես Պուչդեմոնը Կատալոնիայում երեկ անցկացված խորհրդարանական արտահերթ ընտրություններն անվանել է «Կատալոնիայի Հանրապետության հաղթանակ ու Իսպանիայի պարտություն», քանի որ խորհրդարանում մեծամասնություն են կազմելու անջատողական քաղաքականությանը կողմնակից կուսակցությունների ներկայացուցիչները. տեղեկացնում է BBC-ի ռուսական ծառայությունը:
Ընտրություններին մասնակցել են ինչպես Կատալոնիայի՝ Իսպանիայից անկախանալուն կողմնակից կուսակցություններ, այնպես էլ Իսպանիայի կազմում ինքնավարությանը կողմնակից կուսակցություններ:
Քվեաթերթիկների հաշվարկի համաձայն՝ խորհրդարանի 135 մանդատից 70-ը՝ այսինքն մեծամասնությունը, պատկանում է Իսպանիայից անկախանալուն կողմնակից՝ «Միասին հանուն Կատալոնիայի», « Կատալոնիայի ձախ հանրապետականներ» և «Ժողովրդական միություն» կուսակցություններին:
«Քաղաքացիներ» կուսակցությունը, որը կողմնակից է Իսպանիայի կազմում ինքնավարությանը, հավաքել է ձայների 25 %-ը ու խորհրդարանում կունենա 36 մանդատ:
Նշվում է, որ դեռևս պարզ չէ, թե կուսակցություններից որը կառավարություն ձևավորի:
Հիշեցնենք, որ հոկտեմբերի 1-ին Կատալոնիան Իսպանիայից անկախանալու հանրաքվե էր անցկացրել, որին կողմ էր քվեարկել բնակչության 90 տոկոսը: Մադրիդը, սակայն, ապօրինի էր անվանել անցկացված հանրաքվեն ու երկրում անկարգություններ էին սկսվել: Իսպանիայի իշխանությունները ցրել էին նախկին վարչակազմն ու խորհրդարանը ու ինքնավար մարզում ուղիղ կառավարում մտցրել:
