14.05.2026 | 13:46
Ընտրակաշառք տալու և վերցնելու համար նախատեսված պատիժը կխստացվի․ Ալեն Սիմոնյան
Վիենում հայերին սպառնացած 300 հոգանոց թուրք համայնքը երևի «գորշ գայլերի» հետ է կապված․ փոխքաղաքապետ. ՏԵՍԱՆՅՈՒԹ
Հասարակություն
29.10.2020 | 15:06
Ֆրանսիայի Վիեն քաղաքի փոխքաղաքապետ Լևոն Սաքունցը Factor.am-ին հայտնեց, որ թուրք համայնքի ներկայացուցիչները, որոնք երեկ ակցիա են իրականացրել Վիենի տարածքում, հավանաբար, «Գորշ գայլեր» խմբավորուման հետ են կապված:
«Երեկոյան արդեն որոշում է կայացվել ինչ-որ ծագումով թուրք համայնքի, երևի «Գորշ գայլերի» հետ կապված հավաքը Վիենից ոչ շատ հեռու գտնվող վայրում իրականացնել, մոտ 300 թուրքեր ժամը 19:00-ի կողմերը եկել են Վիեն շատ անհանգստացնող կոչերով, թե՝ հայե՛ր, դուրս եկեք փողոց, որպեսզի մենք ձեզ սպանենք»,- ասաց Սաքունցը։
Վիենի փոխքաղաքապետը հայտնեց նաև, որ իրենք հայ համայնքի հետ աշխատել են, որպեսզի որևէ մեկը դուրս չգա և սադրանքների չտրվի, բարեբախտաբար, դա իրենց հաջողվել է։
Փոխքաղաքապետը նաև ասաց, որ այս պահին քաղաքում իրավիճակը հանգիստ է, բայց իրեն իրավապահները զգուշացրել են, որ տանից դուրս չգա, քանի որ թուրքերի շրջանում շրջանառվում է հենց իր անունը։
Մանրամասները՝ տեսանյութում։
Լիլիթ Շաբոյան
