08.10.2026 | 19:13
ԱՄՆ-ը «երբեք թույլ չէր տա» Հունաստան-Թուրքիա հակամարտություն․ Ռուբիոն նշել է F-35-ների Անկարային փոխանցման պայմանը
Եթե բանակին քաղաքացու տրամադրած գույքը վնասվի՝ պետությունը փոխհատուցում կտա. Աղազարյան. ՏԵՍԱՆՅՈՒԹ
Քաղաքականություն
28.10.2020 | 17:28
Հրադադարի հասնելու համար էական է միջազգային հանրության, ԵԱՀԿ Մինսկի խմբի հետևողական կեցվածքը, իհարկե կա հետևողականություն, բայց քայլերի հաջորդականություն պետք լինի: Ադրբեջանը հրադադարի չի գնում, որովհետև իր առջև դրված նպատակին չի հասել: Այս մասին Factpr.am-ի հետ զրույցում ասաց «Իմ քայլը» խմբակցության պատգամավոր Հովիկ Աղազարյանը՝ անդրադառնալով դիտարկմանը, որ Ադրբեջանը շարունակում է ոչ միայն խախտել հրադադարը, այլ նաև թիրախավորել Արցախի խաղաղ բնակավայրերը:
«Եթե Ադրբեջանը այսպես շարունակի, այս գործընթացը մի քիչ էլ ձգձգվի, մենք ստիպված կլինենք վերադասավորել մեր ուժերը և այլ կերպ ստիպել Ադրբեջանին՝ գնալ հրադադարի կամ մեկ այլ ռեժիմի»,- ասաց պատգամավորը:
Նա նաև նշեց, որ «Իմ քայլը» խմբակցությունից Արցախ են մեկնել մի քանի պատգամավորներ. «Այնտեղ ունենք ներկայացուցչություն և ավելի ենք ընդլայնելու այդ ներկայացուցչությունը»:
Անդրադառնալով ԱԺ-ում նախօրեին քննարկվող նախագծին, որի ընդունման դեպքում ֆիզիկական կամ իրավաբանական անձանց գույքը ռազմական դրության պայմաններում կարող է օգտագործվել՝ պատգամավորն ընդգծեց, որ եթե բանակին քաղաքացու տրամադրած գույքը վնասվի՝ պետությունը փոխհատուցում կտա:
Մանրամասները՝ տեսանյութում:
