03.07.2026 | 20:14
ՀՀ-ն և ԵՄ-ն քննարկել են մարդու իրավունքների, ընտրությունների և դատաիրավական բարեփոխումների հարցեր
Այսօր էլ մեր ապրելու իրավունքը կերտում ենք խրամատում․Գայանե Աբրահամյանը մեջբերեց Վազգեն Սարգսյանի խոսքերը. ՏԵՍԱՆՅՈՒԹ
Հասարակություն
28.10.2020 | 15:33
«Այս երկիրը բառերով սիրվող երկիր չէ, նաև հեռադիտակով դիտվող երկիր չէ, քարի հետևում քար կա, մշուշի ետևում՝ մշուշ: Այս երկրի սահմանները գծվում են արյամբ և ամրանում քրտինքով: Միջազգային գեղեցիկ ու հարթ նշանառության օրենքները դիպչում են մեր քարերին ու ցաք ու ցրիվ լինում: Այս երկիրը անտրամաբանական սիրո և անտարամաբանական ատելության երկիր է:
Օրենքներն այստեղ ծնվում են սահմաններում, ծնվում են անրհաժեշտաբար և խորհրդարան են մտնում լոկ հանդերձավորելու համար: Այս երկիրը բառերով սիրվող երկիր չէ, անհատական սիրո երկիր չէ:
Այս երկիրը համընդհանուր սիրո երկիր է: Այս երկրի մայրաքաղաքը սկսում է խրամատից»,- սպարապետ Վազգեն Սարգսյանի այս խոսքն իր ելույթում մեջբերեց ԱԺ «Իմ քայլը» խմբակցության պատգամավոր Գայանե Աբրահամյանը՝ ընդգծելով նաև, որ այսօր էլ մեր ապրելու իրավունքը կերտվում է խրամատում:
«Մենք մեր կռիվն իրավունք չունենք թողնելու սերունդներին, այսօր մենք պետք է հաղթենք և հզորանանք՝ ի հեճուկս ողջ աշխարհի և հանուն մեր հերոսների, որոնց արյան գնով ենք ապրում և որոնց հերոսությանը դեռ արժանի պիտի դառնանք»,- նշեց պատգամավորը:
Մանրամասները՝ տեսանյութում:
