11.03.2026 | 22:47
ՌԴ-ն կորցնում է «արտերկրում քարոզչական աշխատանքի» գործիքները. Պեսկովը կոչ է արել օգտագործել Max մեսենջերը
Իրանը նախազգուշացրել է՝ չվնասել սահմանին մոտ գտնվող իր ջրամբարներն ու էլեկտրակայանները
Քաղաքականություն
27.10.2020 | 14:19
Իրանի ԱԳՆ քաղաքական հարցերով փոխնախարար Աբբաս Արաղչին երեքշաբթի ժամանել է Արդեբիլ նահանգի Փարսաբադ Մողան օդանավակայան՝ այցելելով Հայաստանին ու Ադրբեջանին սահմանակից տարածքներ։ Այս մասին գրում է ԻՌՆԱ-ն։
Իրանցի պաշտոնյան հակամարտող կողմերին կոչ է արել և նախազգուշացրել՝ հրետանային հարվածներ չհասցնել իրանական ջրամբարներին ու էլեկտրակայաններին։
Արաղչին ասել է, որ Արաքս գետի երկայնքով Իրանն ունի ջրամբարներ ու էլեկտրակայաններ, ուր ևս պատրաստվում է այցելել։ Նա հավելել է, որ դրանք առաջնային նշանակություն ունեն Իրանի համար և չպետք է վնասվեն երկու հարևանների հակամարտության ընթացքում։
Փոխնախարարը նաև նշել է, որ դրանց պաշտպանության հարցերը քննարկելու է տեղի պաշտոնյաների հետ։
Արաղչին այցելել է Արդեբիլ նահանգում Ասլանդուզ բնակավայրում գտնվող Միլ Մողան ջրամբար, այնուհետև մեկնել սահմանակից Արևելյան Ադրբեջան (Ատրպատական) նահանգ։
Էմմա Չոբանյան
