05.03.2026 | 13:02
Նախիջևանին իրանական ԱԹՍ-ի հարվածի հետևանքով երկու մարդ է վիրավորվել. Բաքուն Իրանի դեսպանին կանչել է ԱԳՆ
Սա դասական ցեղասպանություն է, միջազգային կառույցները լավ էլ տեղյակ են․ Նինա Կարապետյանց. ՏԵՍԱՆՅՈՒԹ
Քաղաքականություն
27.10.2020 | 12:38
Սա դասական ցեղասպանություն է, ուրիշ ոչինչ: Երբ ռմբակոծվում են տարածքներ, որտեղ միայն խաղաղ բնակչություն է, և օգտագործում են այնպիսի զինատեսակներ, որոնք արգելված են ամբողջ աշխարհում, սա միանշանակ վկայում է հանցագործությունների մասին: «Պատերազմի մեկ ամիսը․ ի՞նչ կշիռ ունի միջազգային կառույցների մանդատը» քննարկման ժամանակ այս մասին ասաց իրավապաշտպան Նինա Կարապետյանցը:
Նա նաև կարծիք հայտնեց, որ միջազգային կառույցները տեղյակ են այս ամենից: «Կարծում եմ՝ բոլորն էլ շատ լավ տեղյակ են, ծանոթ են դերակատարներին և նրանց դիրքորոշումներին, բայց ավանդույթի համաձայն իրենք իներտ են: Որոշակի ընթացակարգեր կան, որոնք նրանք չեն ուզում խախտել»,- նշեց Նինա Կարապետյանցը՝ հավելելով, որ եթե միջազգային կառույցները չմիջամտեն և չկարողանան այստեղ կարգի հրավիրել այս հանցագործ դերակատարներին, այս խնդրին բախվելու են հենց իրենց տան շեմին:
Մանրամասները՝ տեսանյութում:
