19.01.2026 | 12:43
«Եղիշեն պատմել է՝ դեպքից առաջ պատգամավորներից մեկը խառնվել է կացարանում տիրող իրավիճակի պարզմանը»․ ՏԵՍԱՆՅՈՒԹ
Առողջապահական համակարգը շուտով կարող է կոլապսի առաջ կանգնել, ծանր հիվանդների տեղ չունենանք. համաճարակաբան․ ՏԵՍԱՆՅՈՒԹ
22.10.2020 | 22:33
ՀՀ ԱՆ հիվանդությունների վերահսկման և կանխարգելման ազգային կենտրոնի բժիշկ-համաճարակաբան Լուսինե Պարոնյանն արձանագրում է, որ Հայաստանում վերջին շրջանում կորոնավիրուսային հիվանդությունների դեպքերի աննախադեպ աճ է գրանցվել։ Այս մասին համաճարակաբանն այս մասին ասաց հոկտեմբերի 22-ին կայացած ասուլիսի ընթացքում։
«Ամեն օր շուրջ 500 դեպքով ավել դեպք է գրանցվում նախորդ օրվա համեմատ։ Սա, իհարկե, մեր բոլորի վարքագծի հետևանքն է։ Դրա հետևանքով առողջապահական համակարգը կարող է հայտնվել կոլապսի առջև, և տեղ չունենանք ծանր հիվանդների հոսպիտալացնելու համար։ Գիտեք, որ անընդհատ ընդլայնվում են ռեսուրսները, անընդհատ նոր հիվանդանոցներ են վերապրոֆիլավորվում։ Այսօր շուրջ 2000 հազար հիվանդ ունենք, որոնք հիվանդանոցներում են բուժվում, բայց բազմաթիվ են դեպքերը, երբ կարիք կա մարդկանց հոսպտիալացնելու, սակայն սպասում ենք, որ տեղ ազատվի այս կամ այն հիվանդանոցում»,- ասաց Պարոնյանը։
Համաճարակաբանը անհրաժեշտ է համարում անել ամեն ինչ՝ նվազեցնելու համար կորոնավիրուսային դեպքերի թվերը։ Պարոնյանը ևս մեկ անգամ կոչ է անում քաղաքացիներին պահպանել հակահամաճարակային կանոնները։
