19.12.2025 | 03:00
Կոնֆերենցիաների լիգա. «Նոայի» հավանական մրցակիցները փլեյ-օֆֆում
Ռազմաճակատ մեկնելուց առաջ զինվորների թեստավորում իրականացնելը նպատակահարմար չէ․ Լուսինե Պարոնյան․ ՏԵՍԱՆՅՈՒԹ
22.10.2020 | 22:24
Ռազմաճակատ մեկնելուց առաջ թեստավորում իրականացնելը նպատակահարմար չէ: Այս մասին ասուլիսում ասաց ԱՆ ՀՎԿԱԿ բժիշկ-համաճարակաբան Լուսինե Պարոնյանը:
«Հայաստանում արձանագրվող յուրաքանչյուր դեպքի համար իրականացվում է հետազոտություն, վարակակիր անձանց հետ շփված անձինք գրանցվում են նախարարության համակարգում։ Թիկունքը պետք է առողջ պահենք, իսկ դրա համար պետք է նվազեցնել շփումները և պահպանել երեք պարզ կանոնները՝ կրել դիմակ, ախտահանել ձեռքերը, պահպանել սոցիալական հեռավորություն»,- ասաց Պարոնյանը:
Ռազմաճակատ մեկնելուց առաջ թեստավորում անցկացնելը, ըստ համաճարակաբանի, նպատակահարմար չէ կազմակերպել, քանի որ հայտնի չէ՝ ով և երբ է մեկնում Արցախ:
Պարոնյանը վստահեցրեց, որ Արցախում բժիշկներն ու պաշտպանության նախարարությունը իրականացնում են հետազոտություններ և հսկողություն. կոնտակտավորների շրջանակի բացահայտմանն ուղղված աշխատանքները շարունակվում են:
Մանրամասները՝ տեսանյութում:
