18.04.2026 | 20:30
TikTok-յան քաղաքական պատերազմներ․ ինչպես են ԱԲ-ով կեղծում իրականությունը․ ՏԵՍԱՆՅՈւԹ
Ծառուկյանը ազատության մեջ գտնվելով կօգտագործի իր բոլոր միջազգային կապերը. Իվետա Տոնոյան
Հասարակություն
22.10.2020 | 16:49
Մենք չենք կորցնում լավատեսությունը, հույս ունենք, որ դատական մարմինները կառաջնորդվեն օրենքի տառով: Այս մասին Factor.am-ի հետ զրույցում ասաց ԲՀԿ խմբակցության պատգամավոր Իվետա Տոնոյանը:
«Գագիկ Ծառուկյանի դեմ հարուցված գործը զուրկ է իրավական հիմքից, բացի դրանից՝ նրան մեղսավրող արարքի դեպքում կիրառվում է նաև տուգանք, սակայն Ծառուկյանը շուրջ մեկ ամիս է ապօրինի գտնվում է կալանքի տակ: Ընդհանուր իրավասության առաջին ատյանի դատարանից այսօր սպասում ենք արդար քննություն»,- ասաց Իվետա Տոնոյանը՝ ընդգծելով, որ Գագիկ Ծառուկյանի հանդեպ քաղաքական դրդապատճառներով է հարուցվել քրեական գործ:
Տոնոյանը վստահեցրեց, որ Գագիկ Ծառուկյանը հետաքրքված է Արցախի և Հայաստանի սահմաններին տիրող իրավիճակով և ազատության մեջ գտնվելով՝ կօգտագործի իր բոլոր միջազգային կապերը՝ ի շահ և ի նպաստ Հայաստանի և Արցախի անվտանգության ու սահմանների ամրության:
Հիշեցնենք՝ Երևանի ընդհանուր իրավասության դատարանում մեկնարկել է ԲՀԿ ղեկավար Գագիկ Ծառուկյանի խափանման միջոց կալանավորումը գրավով փոխարինելու վերաբերյալ պաշտպանների միջնորդության քննարկումը։
Մանրամասները՝ տեսանյութում:
