05.03.2026 | 00:15
Կառավարությունը 4 մլն դրամ կհատկացնի 44-օրյա պատերազմի ընթացքում ծանր վիրավորում ստացած զինծառայողի բուժման համար
Վրաստանում պատանդներ վերցրած հանցագործը՝ 500 հազար դոլարը ստանալով փախուստի է դիմել
Քաղաքականություն
22.10.2020 | 16:07
Վրաստանի Զուգդիդի քաղաքի բանկերից մեկում մի քանի տասնյակ մարդու պատանդառած տղամարդու նկատմամբ հետախուզում է հայտարարվել, գրում է Sputnik-Georgia-ն։
Բոլոր պատանդները ազատության մեջ են։ Նրանց ազատելու համար իրավապահների իրականացրած հատուկ գործողությունը տևել է 7 ժամից ավելի։ Երկար բանակցություններից հետո, որոնց մասնակցել է անձամբ Վրաստանի ՆԳՆ ղեկավարը, իրավապահ մարմինների աշխատակիցները հանցագործին տվել են կես միլիոն դոլար։
Ուշ երեկոյան 3 պատանդների ու մեկ ոստիկանի ուղեկցությամբ պատանդառուն հեռացել է բանկի շենքից։ Այս պահի դրությամբ՝ բոլոր պատանդներն ազատ են արձակված, իսկ պատանդառուին որոնում են։
Հիշեցնենք՝ հոկտեմբերին 21-ին Զուգդիդի քաղաքում դիմակով տղամարդը նռնակով և ինքնաձիգով ներխուժել է Վրաստանի բանկի մասնաճյուղի շենք և պատանդ վերցրել ավելի քան 40 մարդու, որոնց թվում են եղել ֆինանսական հաստատության աշխատակիցներն ու հաճախորդները։ Նա իշխանություններից պահանջել է 500 հազար դոլար, մեքենա կամ ուղղաթիռ, ինչպես նաև բանկի տարածքից անվնաս հեռանալու երաշխիքներ։
Տաթև Ֆռանգյան
