08.11.2024 | 16:40
Հայաստանը փողերի լվացման դեմ պայքարելու համար ունի և՛ իրավական, և՛ ինստիտուցիոնալ բավարար հենք. Գլխավոր դատախազ
Ռուսաստանը արել ու անում է հնարավոր ամեն բան ԼՂ հակամարտության խաղաղ կարգավորման համար․ Պեսկով
Քաղաքականություն
22.10.2020 | 15:05
Ռուսաստանը արել ու անում է հնարավոր ամեն ինչ, որպեսզի Լեռնային Ղարաբաղի հակամարտության գոտում ներկայիս իրավիճակը տանի քաղաքական-դիվանագիտական կարգավորման հուն։ Այս մասին հայտարարել է ՌԴ նախագահի խոսնակ Դմիտրի Պեսկովը՝ պատասխանելով տարածաշրջանում ՌԴ-ի կողմից դեսանտային օպերացիա իրականացնելու հավանականության մասին հարցին։
«Մենք նախկինի նման համոզված ենք, որ այս խնդրի խաղաղ կարգավորմանն այլընտրանք չկա»,- հավելել է նա, հաղորդում է RT-ն։
Պեսկովն ընդգծել է, որ Ռուսաստանը պատրաստվում է հետայսու էլ հակամարտության խաղաղ կարգավորման համար բոլոր ջանքերը ներդնել։
Նշենք, որ Կրեմլի խոսնակն այս կերպ պատասխանել է ՌԴ Պետդումայի պատգամավոր Կոնստանտին Զատուլինին, որը չէր բացառել դեսանտային օպերացիայի հնարավորությունն ու նման միջոցառումների կիրառումը։ ՌԴ Պետդումայի ԱՊՀ հարցերով հանձնաժողովի առաջին փոխնախագահ Կոնստանտին Զատուլինը НСН-ի հետ զրույցում թվարկել էր Լեռնային Ղարաբաղում իրադարձությունների զարգացմանը Ռուսաստանի արձագանքի հնարավոր տարբերակները։
Տաթև Ֆռանգյան
