09.09.2026 | 23:17
Ինչ են քննարկել Փաշինյանը և Մակրոնը. Կառավարությունը մանրամասներ է ներկայացրել
Հաջորդ տարվա համար ո՛չ պարարտանյութի խնդիրն է լուծվել, ո՛չ էլ դիզվառելիքի. Հրաչ Բերբերյան
Տնտեսություն
20.12.2017 | 14:57
Այս տարի բավականին ծանր էր գյուղատնտեսության համար, եղան և՛ ցրտահարություններ, և՛ երաշտ. այսօր կայացած մամուլի ասուլիսին ամփոփելով անցնող գյուղատնտեսական տարին, ասաց «Ագրարագյուղացիական միավորում» ՀԿ նախագահ Հրաչ Բերբերյանը. «Խնդիրներ ունեցանք այս տարի անասնակերի, բանջարեղենի, խաղողի արտադրության հետ։ Ծանր տարի էր, ցավոք սրտի, այն աշխատանքները, որ տարիներ առաջ պետք է կատարվեին, գյուղացին ապահովվեր այն ռեսուրսներով, որոնք պետք է ներդներ հողի վրա, ցավոք սրտի, չի կատարվել։ Արդյունքում ունեցանք քիչ պարարտանյութ»:
Նա տարին բնորոշեց սակավաջուր, ասելով, որ մարդիկ, ովքեր հայտարարում են, թե Սևանի ջրով կարող են ոռոգել նաև Հոկտեմբերյանը, ծանոթ չեն ջրամբարներին, ջրատարներին, իսկ լրագրողների հարցին՝ ով է նմանատիպ հայտարարություն արել, Բերբերյանը պատասխանեց՝ Կոմիտեի ղելավարներից մեկը:
Գալիք տարվա սպասումների կտրվածքով, Բերբերյանի կանխատեսումները մտահոգիչ էին. «Հաջորդ տարվա համար ոչինչ չի արվել, կոնկրետ ծրագրեր պետք է մշակվեն ոլորտի զարգացումը ապահովելու համար։ Մենք այսօր պետք է պատրաստ լինեինք հաջորդ տարվան, բայց ո՛չ պարարտանյութի խնդիրն է լուծվել, ո՛չ էլ դիզվառելիքի»:
Մանրամասները՝ տեսանյութում:
