22.05.2026 | 23:50
Անդրանիկ Թևանյանի նկատմամբ հարուցվել է քրեական հետապնդում պետական դավաճանության հանցակազմի հատկանիշներով
Իսրայելի պաշտպանության նախարար. «Հայոց ցեղասպանության ճանաչումն այս պահին անընդունելի է»
Քաղաքականություն
20.12.2017 | 13:34
Իսրայելի Պաշտպանության նախարար Ավիգոդոր Լիբերմանը հայտարարել է, որ Հայոց ցեղասպանության հարցում Իսրայելի դիրքորոշումը չի փոխվել. տեղեկացնում է EH-ն:
Թուրքական «haber7» լրատվական կայքի տեղեկացմամբ՝ Լիբերմանը նշել է, որ Հայոց ցեղասպանության ճանաչումն այս պահին անընդունելի է:
«Չեմ կարծում, որ ընդունելի կլինի փորփրել մի հարց, որն ամբողջապես պատմական, վիճելի և վերացական է: Կարծում եմ, որ այս հարցը Թուրքիայի հանդեպ Իսրայելի դիրքորոշման վրա զգալի ազդեցություն չունի»:
Հիշեցնենք, որ Իսրայելի ընդդիմադիր «Yesh Atid» կուսակցությունը երկրի խորհրդարան կներկայացնի Հայոց ցեղասպանության պաշտոնական ճանաչումը նախատեսող նոր օրինագիծ: Կուսակցության ղեկավար Յաիր Լապիդը նշել է, որ Իսրայելը վաղուց պիտի ճանաչեր այդ պատմական ճշմարտությունը:
