09.10.2026 | 10:07
Երեք հայ բռնցքամարտիկներ մեդալ են ապահովել պատանեկան ԵԱ-ում
Մեր բժիշկները հաճախ կրակի տակ են հայտնվում, բուժօգնության մեքենաները թիրախավորվում են. ՏԵՍԱՆՅՈՒԹ
Հասարակություն
21.10.2020 | 22:44
Բժիշկները շատ ծանր աշխատանք են կատարում, մանավանդ որ բեկորային վնասվածքներն ու վիրավորումները շատ են: Այսօր մամուլի ասուլիսում այս մասին ասաց ՀՀ ՊՆ ներկայացուցիչ Արծրուն Հովհաննիսյանը՝ անդրադառնալով ռազմաճակատում «սպիտակ խալաթավորների» անձնվեր աշխատանքին:
«Հաճախ բժիշկները պայքարում են ոչ միայն կյանքեր փրկելու համար, այլև իրենք են հայտնվում կրակի տակ: Հարվածի են ենթարկվում նաև բժշկական մեքենաները: Ունեցել ենք դեպքեր, երբ խոցվել են բուժօգնության մեքենաները: Խոսքը շտապօգնության մեքենաների մասին չէ, որոնք աշխատում են հիվանդանոցից հիվանդանոց, այլ ռազմաճակատից մինչև առաջիկա բուժօգնության հաստատություն հասնող մեքենաների:
Շատ դժվար աշխատանք են անում մեր բժիշկները, բուժակներն ու բուժքույրերը: Փառք և խոնարհում նրանց աշխատանքի առաջ: Հազարավոր կյանքեր են փրկվել նրանց պրոֆեսիոնալիզմի շնորհիվ»,- ասաց ՊՆ ներկայացուցիչը:
