09.06.2026 | 12:34
Ինչու Արփինե Սարգսյանը չի ներկայացել ԱԺ` բյուջեի կատարողականը ներկայացնելու
Նոր շարժում ենք սկսում. հնարավոր կլինի ամեն ամիս գումար նվիրաբերել հիմնադրամին. տնօրեն. ՏԵՍԱՆՅՈՒԹ
Հասարակություն
21.10.2020 | 22:21
Արցախի համար համահայկական դրամահավաքի նոր նախաձեռնություն է մեկնարկում։ Այս մասին այսօր մամուլիասուլիսում ասաց «Հայաստան» համահայկական հիմնադրամի գործադիր տնօրեն Հայկակ Արշամյանը:
«Մենք սկսում ենք նոր շարժում, որն ուղղակի համազգային շարժում է։ Այն նոր մակարդակի է բարձրացնելու արդեն բյուրեղացած Հայաստան-Սփյուռք հարաբերությունները։ Դա նպաստելու է համահայկական ռեսուրսների համախմբմանը։ Շարժումը մենք անվանել ենք 50 plus: Աշխարհի տարբեր երկրներից մեր հայրենակիցները դիմում ու պահանջում են, որ ոչ միայն միանվագ օգնություն ուղարկեն Հայաստան, այլ գրանցվեն հիմնադրամի կայքում, ամեն ամիս որոշակի գումար նվիրաբերեն հիմնադրամին։
Եթե այս շարժմանը միանա մեկ միլիոն մարդ, ապա մենք ամեն ամիս հիմնադրամում կունենանք 50 մլն դոլար, եթե վերցնում ենք 50 դոլարը որպես չափանիշ։ Եվ դրա շնորհիվ մենք տարեկան կունանանք մոտավորապես կես միլիարդ դոլար։ Այս 50-ը մի ընդունեք որպես թիվ, սա սիմվոլիկ է, սկզբունքը հետևյալն է՝ 50 գումարած 50։ Դրանով մենք նոր թափ կհաղորդենք դրամահավաքին, որն ուղղվելու է թիկունքի ամրապնդմանը։ Սա կնպաստի հաղթանակից հետո Արցախի վերակերտմանը։ Եկեք միանանք, ուս ուսի տանք, ունենանք զարգացած, կայուն հայրենիք»,-ասաց Արշամյանը:
Մանրամասները՝ տեսանյութում:
