30.06.2026 | 16:35
Վարչապետն ընդունել է Վրաստանի ՆԳ նախարարին
Նույն մարդկանց՝ նույն մեդալներով. սփյուռք կատարած վերջին այցելության ժամանակ Հրանուշ Հակոբյանը զավեշտալի վիճակում է հայտնվել. «Հրապարակ»
20.12.2017 | 10:07
«Հրապարակ» օրաթերթը գրում է.
«Սփյուռք կատարած վերջին այցելության ժամանակ սփյուռքի նախարար Հրանուշ Հակոբյանը զավեշտալի վիճակում է հայտնվել։ Համայն հայության նախարար Հակոբյանը, ինչպես հայտնի է, սփյուռքյան այցելություններին դատարկաձեռն չի ներկայանում, նա ճամպրուկներով մեդալներ ու պատվոգրեր է տանում՝ հայ համայնքի ներկայացուցիչների սիրտը շահելու համար։
Նոյեմբերի 23-ից դեկտեմբերի 2-ն ընկած ժամանակահատվածում Ֆրանսիա եւ Շվեյցարիա կատարած այցի ժամանակ եւս տիկին Հակոբյանը Ժնեւ դատարկաձեռն չի գնացել, սակայն պարգեւատրումից հետո պարզվել է, որ տարիներ առաջ պարգեւատրած նույն անձանց կրկին նույն մեդալով է պարգեւատրել։ Ի դեպ, տիկնոջ այցերին մեր հայրենակիցները մեծ ուրախությամբ են սպասում, քանի որ դրանք միշտ բարձր տրամադրություն են ապահովում շատերի համար»:
Մանրամասները՝ թերթի այսօրվա համարում:
