08.10.2026 | 23:18
Քննարկվել են ՀՀ-ի և Իրանի մաքսային մարմինների միջև նախնական էլեկտրոնային տվյալների փոխանակման համակարգի գործարկման քայլեր
Դիվերսիոն խմբերը լքված բնակավայրերում տարածքների գրավման մասին տեսանյութեր են նկարահանում. Արծրուն Հովհաննիսյան. ՏԵՍԱՆՅՈՒԹ
Հասարակություն
20.10.2020 | 22:29
Այսօր՝ վաղ առավոտյան,Ադրբեջանը հարձակողական գործողություններ է ձեռնարկել հյուսիսային և հարավային ուղղությամբ: Ավելի համառ մարտեր են ծավալել հարավային ուղղությամբ, որոնց ընթացքում մեր զորքերին հաջողվել է կասեցնել հարձակողական մի շարք գործողություններ՝ հակառակորդին հետ շպրտելով ելման բնագծեր: Այս մասին մամուլի ասուլիսում ասաց ՊՆ ներկայացուցիչ Արծրուն Հովհաննիսյանը:
«Երեկ երեկոյից սկսած՝ մեր ՀՕՊ ստորաբաժանումներին հաջողվել է խոցել հակառակորդի ԱԹՍ-ներ, այդ թվում՝ թուրքական «Բայրաքթարներ: Այս պահին էլ իրավիճակը լարված է, մարտական գործողությունները շարունակվում են՝ ոչ այն ինտենսիվությամբ, որքան ցերեկային ժամերին: Այդ մարտական գործողություններն ունեն հստակ մարտավարություն, որը շատ լավ հասկանում է մեր ՊԲ հրամանատարությունը:
Ադրբեջանական փոքր դիվերսիոն խմբերը ներթափանցում են չբնակեցված բնակավայրեր, նկարահանումներ են անում, տարածում են լուրեր՝ ազդելով սեփական հանրության, բայց ցավալիորեն՝ նաև մեր հասարակության վրա: Նրանց բոլոր մուտք ու ելքերը ջախջախվում են հեռահար կրակով կամ մեր այլ գործողություններով: Ես բոլորին խնդրում եմ նման լուրերը մեր դաշտ չբերել, չքննարկել: Իրավիճակը կայուն է և վերահսկելի: Հակառակորդի որոշ գործողություններ դեռ չեն նշանակում հաջողություն»,- ասաց ՊՆ ներկայացուցիչը:
Մանրամասները՝ տեսանյութում:
