13.05.2026 | 20:37
Քրեական ոստիկանները զանգերի անօրինական տերմինացիայի միջոցով ստվերային եկամուտներ ստացող խումբ են բացահայտել
2017 թվականը լրագրողների համար դժվար աշխատանքային տարի էր. փորձագետներ
Հասարակություն
19.12.2017 | 18:26
2017 թվականը լրագրողների համար դժվարին աշխատանքային տարի էր, այսօր լրագրողների հետ հանդիպմանն ասաց «Խոսքի ազատության պաշտպանության կոմիտեի» նախագահ Աշոտ Մելիքյանը. «Դա նախևառաջ պայմանավորված էր խորհրդարանական ընտրություններով, ավագանու ընտրություններով, ՏԻՄ-երով, և ցավոք, Հայաստանում առկա լարվածությունն այդ օրերին մեծանում է և ճնշումներ են լինում լրագրողների նկատմամբ»:
Ընտրությունների ընթացքում, եղել են դեպքեր, երբ լրագրողների նկատմամբ ճնշումներից զատ, բանը հասել է նաև բռնությունների: Աշոտ Մելիքյանը ներկայացրեց իրենց ունեցած տվյալները. «Միայն խորհրդարանական ընտրությունների, ընտրարշավների ընթացքում, լրագրողների նկատմամբ գրանցվել է 5 ֆիզիկական բռնություն և 27 տարատեսակ ճնշումներ: Նույն միտումը կար նար ավագանու ընտրությունների ընթացքում, այստեղ 3 ֆիզիկական բռնությունների և 5 ճնշումների դեպքեր ենք գրանցել»:
Աշոտ Մելիքյանը խոսեց նաև լրագրողների դեմ բռնություն կիրառած անձանց քրեական պատասխանատվության ենթարկելու մասին՝ նշելով, որ գործերում տեղաշարժ չկա, սկսած դեռևս «Էլեկտրիկ Երևանի» դեպքերից:
Երևանի մամուլի ակումբի նախագահ Բորիս Նավասարդյանն էլ լրագրողներին իր մտահոգությունը հայտնեց «Հեռուստատեսության և ռադիոյի մասին» նոր օրենքի նախագծի թերությունների շուրջ՝ նշելով, որ Հայաստանը չի օգտվում թվայնացման գործընթացի ընձեռած դրական հնարավորությունից. «Փաստորեն մենք ականատես ենք լինում մի իրավիճակի, երբ երկրի կյանքի կարևորագույն ոլորտում, ինչպիսին է հեռարձակումների ոլորտը, ՀՀ-ն չունի հստակ քաղաքականություն»:
Մանրամասները՝ տեսանյութում:
Լիլիթ Շաբոյան
