19.12.2025 | 17:34
Արման Ծառուկյան․ Գեյջին ու Փիմբլեթն իմ մակարդակի մարտիկներ չեն
Պետք է աշխարհին ցույց տալ, որ նոր ցեղասպանություն են ցանկանում իրականացնել Արցախում. գերմանացի պատգամավոր․ ՏԵՍԱՆՅՈՒԹ
Հասարակություն
18.10.2020 | 20:25
Արցախում նոր ցեղասպանություն են ցանկանում իրականացնել, թուրք-ադրբեջանական զինված ուժերը փորձում են բնաջնջել Արցախի բնակչությանը: Այս մասին Արցախում հրավիրված ասուլիսի ժամանակ ասաց Բունդեսթագի պատգամավոր Շտեֆեն Կոյտերը:
«Լեռնային Ղարաբաղի շուրջ ստեղծված իրավիճակը լոկալ համարտություն չէ, այլ մեծ պատերազմ: Մենք փորձում ենք որևէ լուծում գտնել Արցախի համար: Բազմաթիվ մարդիկ դեռ պետք է հասկանան, թե ինչ է կատարվում: Մենք մեր աչքերով տեսել ենք, թե ինչպես են հրթիռակոծվել շենքերը և միջազգային մարդասիրական իրավունքով արգելված զենքեր են կիրառվել»,- ասաց Կոյտերը:
Նրա խոսքով` միջազգային հանրությունը պետք է գիտակցի, թե ինչ է իրականում կատարվում Լեռնային Ղարաբաղում, և դրա դեմ սկսի քայլեր ձեռնարկել:
«Դատապարտում ենք այս ռազմական ագրեսիան և այն պետք է անհապաղ դադարեցվի: Այս առումով գտնում ենք, որ Ադրբեջանի և Թուրքիայի նկատմամբ պետք է պատժամիջոցներ կիրառվեն»,- եզրափակեց Շտեֆեն Կոյտերը:
Մանրամասները՝ տեսանյութում:
