11.12.2024 | 23:30
Թուրքիան Մեծ Բրիտանիայից շահագործումից հանված Super Hercules ռազմատրանսպորտային ինքնաթիռներ կգնի
Թուրքիան պատրաստվում է հեռակառավարվող հրաձգային մեքենաներ արտադրել
Քաղաքականություն
19.12.2017 | 10:35
Թուրքիան սեփական անօդաչու թռչող սարքերի սերիական արտադրությունից հետո այժմ էլ պատրաստվում է առանց վարորդի՝ հեռակառավարվող ցամաքային մեքենաների արտադրությանը. փոխանցում է EH-ն:
Ըստ թուրքական «Gunes.com» լրատվական կայքի՝ Թուրքիայի պաշտպանական արդյունաբերության ղեկավարությունը դեռ 2016-ին նմանատիպ մեքենաների նախագծման մրցույթ էր հայտարարել: Մրցույթի մասնակիցների առջև հետևյալ հիմնական պայմաններն էր դրվել՝ ներկայացնել առանց վարորդի ցամաքային ռազմական մեքենա, որը պետք է օժտված լինի հրաձգային, կապի, հեռակառավարման համակարգերով և կարողանա հեռակա ուղղորդմամբ կամ ինքնուրույն շարժվել դեպի թիրախը:
Նշվում է, որ ստացված ավելի քան 500 նախագծերից հավանության արժանացած առաջին 3-ը ներկայացվել են որպես հաղթողներ, որոնցից առաջին տեղը գրաված «Efe Modüler Otonom Araç» նախագիծն արժանացել է 10000 լիրա խրախուսման:
Ըստ աղբյուրի՝ թուրքական զինված ուժերը նպատակ ունեն ապագայում արտադրվելիք մեքենաները օգտագործել հիմնականում դաշտային պայմաններում ահաբեկիչների դեմ ավելի արդյունավետ պայքարելու համար:
