10.10.2026 | 13:51
Ավինյանը շնորհավորել է Երևանի տոնը՝ կոչ անելով երևանցիներին դուրս գալ քաղաք և մասնակցել տոնակատարություններին
Ուսուցիչների աշխատավարձերը չեն կրճատվի. ԿԳՆ փոխնախարարի մեկնաբանությունը
Հասարակություն
18.12.2017 | 17:36
Օրերս մամուլը գրել էր, որ ուսուցիչների աշխատավարձերը հունվար ամսից 5000 դրամով կկրճատվեն: ԿԳՆ փոխնախարար Վահրամ Մկրտչյանը, պատասխանելով Factor.am-ի հարցին, ասաց՝ նման բան չկա, չի կրճատվելու:
Փոխնախարարը խոսեց նաև այսօր անժամկետ հացադուլ հայտարարած ուսանողների մասին: Նա ուսանողների հացադուլը որակեց ծայրահեղ քայլ. «Իմ կողմից դա ընդունելի չէ, նամանավանդ, որ իշխանությունը բարի կամք դրսևորեց և քննարկումներ անցկացրեց նրանց հետ: Ինչքան որ իրազեկված եմ, անցած անգամ բոլոր հարցերը պատշաճ կերպով քննարկվել են և իրենք չպիտի գնային ծայրահեղ քայլի»:
Լրագրողները փոխնախարարին հիշեցրին քրեական գործը, որով նա որպես վկա է ներգրավվել: Նշենք, որ մամուլը գրել էր, թե «Բարեպաշտ սերունդ» հիմնադրամի տնօրեն Վահրամ Մկրտչյանն իր բիզնես-գործընկերոջը՝ ԵՊՏՀ դասախոս, գիտությունների թեկնածու Արտակ Ղուկասյանին առևանգել է և ծեծի ենթարկել: Լրագրողները հարցրին, արդյոք փոխնախարարը դա ևս ծայրահեղ քայլ չի համարում, փոխնախարարը, սակայն, խուսափեց հարցին պատասխանելուց:
Լիլիթ Շաբոյան
