10.10.2026 | 12:57
Նավթի գներն աճել են
Կրթության և գիտության գործակալություն. ուսանողների ակցիան ԿԳՆ փոխնախարարի ելութի ընթացքում
Հասարակություն
18.12.2017 | 17:05
«Հանուն գիտության զարգացման» նախաձեռնության անդամները ֆլեշմոբ իրականացրին ԵՊՀ-ում՝ ԿԳՆ փոխնախարար Վահրամ Մկրտչյանի ելույթի ընթացքում: «Բարձրագույն կրթության մասին» ՀՀ օրենքի նախագծի հանրային քննարկման ընթացքում ուսանողները՝ «Տարկետում լինելու է», «Պաշտպանության նախարարության Կրթության և գիտության գործակալություն» գրառումներով թղթերը փակցրին նախարարի ետևում գտնվող պաստառին: Վերջինս պոկեց թղթերից մեկը, ապա շարունակեց ելույթը:
Ֆլեշմոբի ավարտին նախաձեռնության անդամ Վահան Կոստանյանը, հեգնելով ԵՊՀ ռեկտոր Արամ Սիմոնյանի հայտարարությունը, թե իրենք ֆինասնավորվում են «Սորոս» հիմնադրամի կողմից, ասաց. «Քիչ առաջ Սորոսի հիմնադրամից հատուկ հանձնարարական ստացանք, որպեսզի ֆլեշմոբ իրականացնենք ԵՊՀ-ի Պալեանների անվան դահլիճում, նրանք մեզ գումար տրամադրեցին երկու թղթի, և երկու թուղթ պրինտ անելու համար»:
Հիշեցնենք, որ երկու ուսանողներ՝ Դավիթ Պետրոսյանն ու Յուրի Ավագյանն այսօր վերսկսել են մեկ ամիս առաջ դադարեցված հացադուլը: Նրանք փակվել են ԵՊՀ Ֆիզիկայի ֆակուլտետի լսարաններից մեկում և հայտարարել են՝ դուրս չեն գա մինչև իրենց պահանջները կյանքի չկոչվեն:
Լիլիթ Շաբոյան
