26.02.2026 | 12:45
Պաշտոնեական կեղծիք կատարելու մեջ մեղադրվող նախկին քննիչի վերաբերյալ քրեական վարույթն ուղարկվել է դատարան
Ես որ լինեի, այսպես կանեի, այնպես կանեի. զերծ մնացեք նման քննարկումներից. Արծրուն Հովհաննիսյանի կոչը․ ՏԵՍԱՆՅՈՒԹ
Հասարակություն
11.10.2020 | 22:49
ՀՀ ՊՆ պաշտոնական ներկայացուցիչ Արծրուն Հովհաննիսյանը կոչ է անում զերծ մնալ մարտական գործողությունների մանրամասնությունների նկարագրությունից, կանխատեսումներից ու խորհուրդներից։ Այս մասին նա հայտարարեց մամուլի ասուլիսի ժամանակ:
«Կոնկրետ տեղանքներում մեր դասավորվածությունը, դիրքերի տեղաշարժերը չհիշատակել, չկարևորել: Պատերազմի բնույթից ելնելով՝ կիրառվող միջոցների քանակի, օպերացիաների մասշտաբների, մեկ-երկու դիրքերի տեղաշարժի, բնագծերի վերաբերյալ ասուլիսների ժամանակ չենք կարող նշել: Պատերազմական դրության ժամանակ գործում են ռազմական կանոնները»,- նշեց ՊՆ ներկայացուցիչը:
Նա նաև հորդորեց զերծ մնալ ֆեյսբուքյան խմբերում «մասնագիտական» քննարկումներից՝ զորքերի մարտավարության, զբացեցրած դիրքերի, կիրառվող զինատեսակների մասին:
«Այսպես լիներ, ավելի լավ կլիներ, ես որ լինեի, այսպես կանեի. նման քննարկումներից խնդրում եմ զերծ մնալ»,- նշեց Հովհաննիսյանը՝ վստահեցնելով, որ մեր զինվորականները պրոֆեսիոնալ են, իրենց գործը լավ գիտեն:
Մանրամասները՝ տեսանյութում:
