09.07.2026 | 12:10
Բայրամովը ՀՀ Սահմանադրությունից է խոսել // Ձերբակալվել է «Մայր Հայաստան»-ից Արեգնազ Մանուկյանը․ ԼՈՒՐԵՐ
Դատարանը մերժեց Հովհաննես Պետրոսյանին գրավի դիմաց ազատ արձակելու միջնորդությունը
Հասարակություն
15.12.2017 | 19:13
Ժիրայր Սեֆիլյանի գործով մեղադրյալ Հովհաննես Պետրոսյանի պաշտպան Արսեն Մկրտչյանը միջնորդություն ներկայացրեց դատարան, որպեսզի գրավի դիմաց նրան ազատ արձակեն` վերցնելով Հովհաննես Գրիգորյանին և նրա մորը պատկանող բնակարանը, որը գնահատվում է յոթ միլիոն դրամ: Պաշտպանը նաև նշեց, որ ամբաստանյալների արարքը որևէ մեկին վնաս չի հասցրել, բայց մինչ օրս նրանց կալանքի տակ պահելով, հայ հարկատուների կողմից 25 միլիոն դրամ է ծախսվել նրանց անազատության մեջ պահելու համար:
Պաշտպանը հորդորեց ազատ արձակել ամբաստանյալներին: Փաստաբան Տիգրան Հայրապետյանն էլ նշեց` միջնորդությունը հիմնավոր է, կալանքը, որպես խափանման միջոց կիրառելը տեղին չէ: Ինքը վստահ է Պետրոսյանը կմասնակցի նիստերին, եթե անգամ ազատության մեջ լինի: Արայիկ Պապիկյանն էլ միացավ միջնորդություններին, ասելով, որ կալանքի հիմքեր չկան:
Մեղադրող դատախազն առարկեց միջնորդությունների դեմ, նշելով, որ նա կարող է նիստերին չներկայանալով խոչընդոտել գործի քննությանը: Դատարանը, խորհրդակցական սենյակից վերադառնալով, մերժեց միջնորդությունները:
Լիլիթ Շաբոյան
