Ծառուկյանի կալանքի որոշումը պիտի չեղարկվի. բոլորս պատկերացնում ենք նրա ազդեցությունն արտաքին ճակատում. Արման Աբովյան. ՏԵՍԱՆՅՈՒԹ

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

Ծառուկյանի կալանքի որոշումը պիտի չեղարկվի, բոլորս պատկերացնում ենք նրա ազդեցությունն արտաքին ճակատում: Այս մասին այսօր ԱԺ-ում լրագրողների հետ զրույցում նշեց ԲՀԿ խմբակցության քարտուղար Արման Աբովյանը:

«Գագիկ Ծառուկյանն առաջին օրից տեղյակ է բոլոր գործընթացներից։ Ինչ հնարավոր է անել անազատության մեջ գտնվելով՝ պարոն Ծառուկյանն անում է: Մենք հիմա պատերազմի մեջ ենք, և այս վիճակում բոլոր հնարավոր ու անհնարին ջանքերն ու հնարավորությունները պետք է օգտագործենք, որ հասնենք հաղթանակի: ԲՀԿ-ականներն առաջնագծում են, օրինակ՝ պարոն Մադաթյանը, երեկ ես եմ վերադարձել, Դավիթ Մանուկյանը, Արայիկ Աղաբաբյանը»,- ասաց պատգամավորը:

Արման Աբովյանի դիտարկմամբ՝ միջազգային հանրության արձագանքները, հայտարարությունները հաճախ անատամ են ու լղոզված, սակայն նկատեց, որ վերջին օրերին այդ իրավիճակը փոխվում է:

«Վերջին 3-4 օրվա ընթացքում միջազգային հանրության հռետորաբանությունը և մատնանշումը կամաց-կամաց գնում է դեպի ճշմարտություն: Միջազգային հանրությունն արդեն Ֆրանսիայի նախագահ Մակրոնի շուրթերով, ՌԴ ԱԳ նախարարի, ԱՄՆ-ի պետդեպի և Պենտագոնի տեղեկություններով արդեն իսկ անհերքելի է, որ Ադրբեջանն ու Թուրքիան փաստացի օգտագործում են ահաբեկչական կազմակերպությունները: Մեր կարևորագույն խնդիրն այն է, որ միջազգային հանրությունը հստակ մատնանշի, որ Թուրքիան ու Ադրբեջանը տեռորիստական պետություններ են, որոնք ագրեսիա են կատարում Արցախի ու Հայաստանի դեմ: Սրանք ենթադրում են որոշակի գործողություններ, Եվրախորհրդարանի պատգամավորների շրջանում գնում են ներքին քննարկումներ՝ ընդհուպ մինչև Թուրքիայի նկատմամբ պատժամիջոցներ կիրառելու մասին: Դրա հետ մեկտեղ Կանադան է արդեն մասնակի պատժամիջոց կիրառել Թուրքիայի նկատմամբ՝ չեղարկելով հարվածային ԱԹՍ-ների մասերի մատակարարումը»,- հայտարարեց Աբովյանը:

Նա նկատեց, որ Ադրբեջան պետություն գոյություն չունի այլևս, այն Թուրքիայի մի վիլայեթ է, որի կառավարումն իրականացնում է Թուրքիան:

«Մյուս կողմից՝ Ստեփանակերտը ռմբակոծվում է բոլոր հնարավոր կոնվենցիաներով արգելված կասետային ռումբերով ու հրթիռներով: Կասետային հրթիռների օգտագործումն արդեն ինքնին ռազմական հանցագործություն է: Ալիևն ու Էրդողանը ռազմական հանցագործներ են: Մենք դա ապացուցելու համար բազա պետք է հավաքենք ու հավաքում ենք, որ աշխարհին ցույց տանք, որ այս մարդիկ խնդիր ունեն մեզ ոչնչացնելու: Նրանք խնդիր չունեն պատերազմի միջոցով ինչ-որ տարածքային ամբողջականության խնդիր լուծել, այստեղ կանգնած է լոկալ առումով հայ ժողովրդի ոչնչացումը տարածաշրջանում, գլոբալ առումով Թուրքիայի և Ադրբեջանի միավորումը: Եթե ԵՄ-ն հայտարարում է, որ այո՛, Թուրքիան ու Ադրբեջանը տեռորիստական պետություններ են, որոնք օգտագործում են կասետային ռումբեր, ահաբեկիչներ, դա ենթադրում է պատժամիջոցների կամ հստակ քայլերի տրամաբանություն»,- նշեց ԲՀԿ-ական պատգամավորը:

Մանրամասները՝ տեսանյութում: