01.07.2026 | 02:54
ԱԱ-2026. Ֆրանսիան խնդիրներ չունեցավ, Մբապեի դուբլը. ՏԵՍԱՆՅՈՒԹ
Ինքս եմ ականատես եղել Ստեփանակերտի հիվանդանոցին շատ մոտ հրթիռային հարվածին. շենքը դղրդաց. Թորոսյանին. ՏԵՍԱՆՅՈՒԹ
Հասարակություն
06.10.2020 | 11:18
Ինքս եմ ականատես եղել Ստեփանակերտի հիվանդանոցին շատ մոտ հրթիռային հարվածին, շենքը դղրդաց: Այս մասին այսօր հրավիրված ասուլիսի ժամանակ ասաց ՀՀ առողջապահության նախարար Արսեն Թորոսյանը:
Նախարարի խոսքով՝ երբեմն հարվածների տարափի տակ շտապօգնության մեքենաները չեն կարողանում օգնության հասնել քաղաքացիներին: Նա պատմեց, որ անձամբ ականատես է եղել, թե ինչպես է հակառակորդը հրթիռային հարված հասցնում Ստեփանակերտի հանրապետական հիվանդանոցին շատ մոտ տարածքում: Ըստ Թորոսյանի՝ այնքան մոտ է եղել, որ հիվանդանոցը դղրդացել է:
«Մեծ հավանականությամբ կարող էր նաև հարվածել հենց հիվանդանոցին: Մեր՝ բժշկական անձնակազմի մոտ, տեսնելով Ադրբեջանի ռազմաքաղաքական ղեկավարության մտադրությունները, այնպիսի տպավորություն է, որ չի բացառվում, որ կարող է լինել ուղիղ հարված նաև բժշկական ենթակառուցվածքին: Սա նույնիսկ կարելի է համարել պատերազմական հանցագործություն խաղաղ բնակչության նկատմամբ»,- ասաց Թորոսյանը:
Մանրամասները՝ տեսանյութում:
