11.09.2026 | 19:54
94 տարեկանում մահացել է Նորվեգիայի արքայադուստրը` եղբոր` Հարալդ թագավորի հուղարկավորությունից 2 օր անց
Ահաբեկչական գործողությունների և էթնիկ զտումների մասին զեկույցները ուղարկվում են միջազգային կառույցներ. ՄԻՊ
Հասարակություն
05.10.2020 | 21:42
Սեպտեմբերի 27-ից սկսած՝ Ադրբեջանում ատելության հսկայածավալ քարոզչություն է իրականացվում, ատելության և սպանության կոչեր են հնչում էթնիկ հայերի նկատմամբ: Ատելության խոսքը եղել է միշտ, բայց հիմա համակարգված բնույթ է կրում և դա դրսևորվում է հատկապես սոցիալական ցանցերում: Այս մասին այսօր հրավիրված մամուլի ասուլիսում հայտարարեց Հայաստանի մարդու իրավունքների պաշտպան Արման Թաթոյանը:
«Արդեն ապացույցներով հաստատված փաստի՝ վարձկանների օգտագործումը, ինչպես նաև էթնիկ հայերի նկատմամբ լայնածավալ ատելության խոսքն ու բռնության, այդ թվում՝ սպանության կոչերը, որոնք ունեն պետական աջակցություն: Եվ արդեն ակնհայտ է, որ այս ամենը վկայում է էթնիկ զտումների նպատակի ու հայկական բնակչության նկատմամբ ահաբեկչություն խթանող ադրբեջանական քաղաքականության մասին»,- ընդգծեց ՄԻՊ-ը:
Նա նաև հավելեց, որ ահաբեկչական գործողությունների և էթնիկ զտումների մասին զեկույցներն ուղարկվում են միջազգային կառույցներ:
Մանրամասները՝ տեսանյութում:
