03.06.2026 | 13:54
Աբովյան համայնքին կվերադարձվի Կարապետ Գուլոյանի ապօրինի օտարած հողամասը․ դատարանը բավարարել է Դատախազության հայցը
Լևոն Ալթունյանը՝ մինչև 15 տարեկան աղջիկների վերաբերյալ սկանդալային հայտարարության և առողջապահական ծառայությունների գների մասին
Տնտեսություն
14.12.2017 | 13:35
Առողջապահության նախարար Լևոն Ալթունյանից, Կառավարության նիստի ավարտից հետո, լրագրողները հետաքրքրվեցին՝ թե երբ կհրապարակվեն աղմկահարույց հայտարարության վիճակագրությունը, թե Հայաստանում ամեն չորրորդ աղջիկ մինչև 15 տարեկանն ունենում է առաջին սեռական փորձը:
Նշենք, որ նախարարը նմանատիպ հայտարարություն արել էր «Ազատության» ուղիղ եթերում, որից հետո, սակայն, նախարարությունից մեկնաբանել էին, թե նախարարը թվերը խառնել է. «Այդ վիճակագրությունը հրապարակվել է: Մեր լրատվական ծառայությունն արդեն պարզաբանել է, որ խոսքը գնում էր տարիներ առաջ արված հարցմանը, որը ցույց էր տվել, որ 25 տոկոս տղաները և մեկ տոկոս աղջիկներն սեռական առաջին փորձն ունենում են մին 15 տարեկանը: Ուղիղ եթերի ժամանակ շփոթմունք էր եղել և տղաների փոխարեն հնչել էր աղջիկներ»,- պարզաբանեց նախարարը:
Լրագրողները հետաքրքրվեցին, ըստ նախարարի, որքան գումար պետք է ծախսի քաղաքացին Նոր տարին նշելու համար: «Դժվարանում եմ ասել, ես չեմ զբաղվում առևտրով»-պատասխանեց նախարարը:
Հարցին, թե գնաճն արդյոք կառավարման անարդյունավետ լինելու հետևանք չէ, նախարարն ասաց. «Կարող եմ խոսել առողջապահական ոլորտի գների մասին, որտեղ գների իջեցման նախանշան կա, մենք այդ ուղղությամբ աշխատում ենք: Մենք ձեռնարկել ենք կենտրոնացված գների նախագիծ, որով նախատեսվում է պետական պատվերով ձեռք բերվող դեղերի 20-ից 25 տոկոսի իջեցում: Դա նշանակում է, որ այդ քանակով ավել դեղ ձեռք կբերվի կամ ավել կսպասարկվեն»:
Լրագրողներից մեկն հարցրեց, թե առողջապահական ոլորտի կադրային կրճատումները որքանով են նպաստում աղքատության ցուցանիշի կրճատմանը: «Առողջապահական ոլորտի մասով աղքատության ցուցանիշ չի հաշվարկվում, այդպիսի ստատիստիկա ուղղակի չի վարվում»,- ասաց նախարարը:
