19.09.2026 | 01:11
ԱԺ պատգամավորներին Անկախության 35-ամյակի առթիվ պարգևավճարներ կտրվեն․ «Ուժեղ Հայաստանի» ներկայացուցիչները կհրաժարվեն դրանցից
Ստեփանակերտի համակարգված ռմբակոծություններից հետո միջազգային լրագրողները լքել են քաղաքը․ ՌԻԱ ՆՈՎՈՍՏԻ
Հասարակություն
05.10.2020 | 12:48
Միջազգային լրագրողների մեծ մասը լքել է Արցախի մայրաքաղաք Ստեփանակերտն այն բանից հետո, երբ քաղաքը սկսվել է ռմբակոծվել։ Այս մասին հայտնում է ՌԻԱ Նովոստին։
Աղբյուրի փոխանցմամբ՝ այն բանից հետո, ինչ սկսվել է քաղաքի համակարգված գնդակոծությունը, նկարահանող խմբերը լքել են Լեռնային Ղարաբաղի մայրաքաղաքը տաքսիներով կամ ավտոբուսներով, որոնք տրամադրել են տեղի իշխանությունները։
Այժմ օտարերկրյա ԶԼՄ-ների ներկայացուցիչները տեղակայվել են Գորիսում, այստեղ ՀՀ իշխանությունները մամուլի կենտրոն են տեղակայելու։
Գործակալությունը տեղեկացնում է, որ, այնուամենայնիվ, կան նաև Ստեփանակերտում մնացած լրագրողներ, որոնք քաղաքից դուրս չեն գալիս՝ ֆիքսելով ավերածությունները։ Նշվում է, որ քաղաքում մնացածների թվում բազմաթիվ հայ լրագրողներ կան, ինչպես նաև ռուսներ, ֆրանսիացիներ, իսպանացիներ ու էստոնացիներ։
